完整藏文原文 · 德格版页 当前仅加载第 84 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དངོས་གྲུབ་ཀྱི་རྒྱུད་འདི་ཡིན་ཏེ། གང་གིས་འདོད་ལ་སྙོམས་ཞུགས་པ། །དེ་ལ་འདོད་པས་སྤྱོད་པར་བྱེད། །སངས་
D479.084.0107b01.01རྒྱས་ཕྱག་རྒྱ་ཆེན་པོ་ཡི། །ཡེ་ཤེས་དམ་ཚིག་ཡིན་པར་བཤད། །དེ་ནས་དེ་བཞིན་གཤེགས་པ་རྣམས་ཀྱི་དམ་ཚིག་གི་དངོས་གྲུབ་ཀྱི་རྒྱུད་བཤད་དེ། འདོད་པ་རྣམས་ལ་ཆགས་བྲལ་མིན། །དམ་ཚིག་མཛེས་པ་ཆེན་པོ་འདི། །དེ་བཞིན་གཤེགས་པའི་རིགས་དག་པ། །རྒྱལ་བས་
D479.084.0107b02.01ཀྱང་ནི་འདའ་མི་མཛད། །དེ་ནས་རྡོ་རྗེ་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། སེམས་ཅན་དོན་དུ་ཁྲོ་མིན་ཡང་། །ཁྲོ་བོ་ཆེན་པོར་རབ་ཏུ་སྟོན། །རྡོ་རྗེའི་རིགས་ནི་ཆེན་པོ་ཡི། །དམ་ཚིག་འདི་ནི་འདའ་དཀའོ། །དེ་ལ་པདྨའི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་
D479.084.0107b03.01ནི་འདི་ཡིན་ཏེ། རང་བཞིན་དག་པར་ཤེས་ནས་ཀྱང་། །དེ་ཡི་དགོས་པ་དེ་བྱེད་དེ། །པདྨའི་རིགས་ནི་ཆེན་པོ་ཡི། །དམ་ཚིག་འདའ་བར་དཀའ་བའོ། །དེ་ནས་ནོར་བུའི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། ཉུང་ངམ་ཡང་ན་མང་ཡང་རུང་། །ཅི་ཙམ་ནུས་པ་ཉིད་དུ་ནི། །
D479.084.0107b04.01སྦྱིན་པས་ཉི་མ་སྟོངས་པར་ནི། །བྱ་མིན་དམ་ཚིག་འདི་ཡིན་ནོ། །རིགས་ཐམས་ཅད་ཀྱི་དམ་ཚིག་གི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་
D479.084.0107b05.01གསུངས་སོ། །དེ་ལ་དེ་བཞིན་གཤེགས་པ་རྣམས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ཏེ། སངས་རྒྱས་ཆོས་ཞེས་གྲགས་སོ་ཞེས། །བརྗོད་ན་ཆོས་ཉིད་ཡི་གེ་ནི། །སངས་རྒྱས་ཆོས་ཀྱི་ཕྱག་རྒྱ་ཆེ། །ཡེ་ཤེས་མཆོག་གི་ཚུལ་ཡིན་ནོ། །དེ་ལ་དེ་བཞིན་གཤེགས་པའི་རིགས་ཀྱི་ཆོས་ཀྱི་
D479.084.0107b06.01དངོས་གྲུབ་ཀྱི་རྒྱུད་ནི་འདི་ཡིན་ནོ། །འདོད་ཆགས་ལས་ནི་དག་པའི་ཆོས། །བདེ་བ་ཐམས་ཅད་རབ་སྦྱིན་བྱེད། །དེ་བཞིན་གཤེགས་པའི་རིགས་ཀྱི་ནི། །དངོས་གྲུབ་བྱེད་པའི་མཆོག་འདིའོ། །དེ་ལ་རྡོ་རྗེའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སངས་རྒྱས་བཀའ་ནི་སྦྱང་བ་དང་། །
D479.084.0107b07.01