完整藏文原文 · 德格版页 当前仅加载第 84 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཡེ་ཤེས་ཀྱི་རྒྱུད་དེ། དེ་ཉིད་ལ་ནི་མཁའ་འདྲ་བའི། །པདྨ་སྔོན་པོ་ལྟ་བུར་མཐོང་། །པདྨ་ཆེན་པོའི་རིགས་རིག་པའི། །དངོས་གྲུབ་དེ་ནི་ལེགས་པར་འགྱུར། །དེ་ལ་འདི་ནི་ནོར་བུའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །དེ་ཉིད་
D479.084.0109b01.01མཁའ་བཞིན་དྲི་མེད་ལས། །འོད་ཟེར་དཀྱིལ་འཁོར་འཕྲོ་བར་ནི། །མཐོང་ན་དངོས་གྲུབ་མྱུར་དུ་འཐོབ། །རྡོ་རྗེ་སེམས་སོགས་སེམས་དཔའི་རྣམས། །ཟླ་བའི་དཀྱིལ་འཁོར་འོད་བཅས་པར། །དངོས་གྲུབ་དུས་སུ་རང་བཞིན་དུ། །བདག་ཉིད་ཀྱི་ནི་མདུན་མཐོང་ནའོ། །རིགས་ཐམས་
D479.084.0109b02.01ཅད་ཀྱི་དངོས་གྲུབ་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་ཡེ་ཤེས་ཀྱི་ཕྱག་རྒྱའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་
D479.084.0109b03.01རྣམས་ཀྱི་མངོན་པར་ཤེས་པའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །ལུས་ཀུན་དེ་བཞིན་གཤེགས་རྣམས་དང་། །བྱང་ཆུབ་སེམས་དཔའ་རྣམས་བསྒོམས་ལ། །དེ་བཞིན་ལུས་ལས་བྱུང་མཐོང་ནའོ། །དེ་ལ་འདི་ནི་དེ་བཞིན་གཤེགས་པའི་
D479.084.0109b04.01རིགས་ཀྱི་མངོན་པར་ཤེས་པ་རྣམས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་སེམས་དཔའི་ཕྱག་རྒྱ་ཆེ། །རབ་མཉམ་བཞག་པས་བཅིངས་ན་ནི། །སྒྲུབ་པས་ཆོ་ག་འདི་ཡིས་ནི། །མངོན་ཤེས་ལྔ་ནི་ཐོབ་པར་འགྱུར། །དེ་ལ་འདི་ནི་འཕྲུལ་གྱི་སྤྱན་གྱི་ཡེ་ཤེས་ཀྱི་དངོས་གྲུབ་ཡིན་ནོ། །ཕྱག་རྒྱ་ཆེན་
D479.084.0109b05.01པོར་ཞུགས་ནས་ནི། །མིག་གི་རྣམ་ཤེས་བསྐྱེད་ནས་ཀྱང་། །གང་ཡང་རུང་བ་དེས་བསམས་ན། །ཤིན་ཏུ་རིང་བའང་མཐོང་འགྱུར་ཞེས། །བཅོམ་ལྡན་རྡོ་རྗེ་སེམས་དཔས་གསུངས། །ཕྱག་རྒྱ་ཆེན་པོར་ཞུགས་ནས་ནི། །རྣ་བའི་རྣམ་ཤེས་བསྐྱེད་ནས་ཀྱང་། །དེ་ནི་དགོས་པ་གང་
D479.084.0109b06.01བསམས་ཀྱང་། །ཤིན་ཏུ་རིང་ན་གནས་ཐོབ་ཞེས། །བཅོམ་ལྡན་རྡོ་རྗེ་སེམས་དཔས་གསུངས། །ཕྱག་རྒྱ་ཆེན་པོར་ཞུགས་ནས་ནི། །ཡིད་ཀྱི་རྣམ་ཤེས་བསྐྱེད་ནས་ཀྱང་། །སེམས་ཅན་གང་ལ་དེས་བརྟགས་ན། །དེ་ཡི་སེམས་ནི་དེས་ཤེས་འགྱུར། །ཕྱག་རྒྱ་ཆེན་པོར་ཞུགས་
D479.084.0109b07.01