完整藏文原文 · 德格版页 当前仅加载第 84 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུན་མོང་དུ་བསྒྲུབ་པའི་ཡོ་བྱད་དང་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོར་སྙིང་པོ་ཐམས་ཅད་ཀྱི་ཡོ་བྱད་དང་ཆོ་ག་རྒྱས་པར་བཤད་དོ། །སྙིང་པོ་བསྒྲུབ་པར་འདོད་ན་དེ་བཞིན་གཤེགས་པ་ཐམས་ཅད་ཀྱི་གྲུབ་པར་གྱུར་ཅིག་ཅེས་བརྗོད་ལ་སྙིང་པོ་ཅི་དགའ་བར་བཟླས་ཤིང་བསྒྲུབ་
D479.084.0131b01.01པའི་ཆོ་ག་བྱའོ། །དེ་ལ་འདི་ནི་ཕྱག་རྒྱའི་ཡོ་བྱད་དང་ཆོ་ག་སྟེ། ཕྱག་རྒྱ་ཐམས་ཅད་བདག་ལ་དགའ་བར་གྱུར་ཅིག་ཅེས་སྨྲས་ལ་དམ་ཚིག་གི་ཕྱག་རྒྱ་བཅིངས་ཏེ་ཅི་དགའ་བར་ཅི་ནུས་ཀྱིས་བཟླས་པར་བྱའོ། །དེ་ནས་ཅི་ལྟ་བ་བཞིན་དུ་དངོས་གྲུབ་ཏུ་འགྱུར་རོ། །དེ་ལ་འདི་ནི་སྔགས་ཐམས་
D479.084.0131b02.01ཅད་ཀྱི་ཡོ་བྱད་དང་ཆོ་ག་རྒྱས་པ་སྟེ། སྤྲོས་པ་མེད་པའི་ཚིག་གྲུབ་པར་གྱུར་ཅིག །དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་བདག་ལ་སྐྱེ་བར་གྱུར་ཅིག་ཅེས་སྨྲས་ལ་སྔགས་ཅི་དགའ་བར་བཟླས་པ་བྱས་ཏེ་འདི་ནི་དངོས་གྲུབ་བོ། །དེ་ལ་འདི་ནི་རིག་པའི་ཡོ་བྱད་དང་ཆོ་ག་རྒྱས་པ་
D479.084.0131b03.01སྟེ། ཀྱེ་སེམས་ཅན་འདི་དག་ཐམས་ཅད་ནི་མ་རིག་པས་ལྡོངས་པར་འགྱུར། དེ་བཞིན་གཤེགས་པ་ཐམས་ཅད་ནི་རིག་པ་རྟོགས་ཤིང་སྡོམ་པར་གྱུར་ཏོ་ཞེས་སྨྲས་ལ། རིག་པ་ཅི་དགའ་བར་བཟླས་ཤིང་བསྒྲུབ་པར་བྱའོ་ཞེས་བཅོམ་ལྡན་འདས་འཕགས་པ་རྡོ་རྗེ་འཛིན་པས་གསུངས་སོ། །
D479.084.0131b04.01དེ་ནས་སྙིང་པོ་དང་། སྔགས་དང་། ཕྱག་རྒྱ་དང་། རིག་པ་ཐམས་ཅད་ཇི་ལྟར་བསྒོམ་པ་ཉིད་དུ་རྡོ་རྗེ་བཟླས་པའི་ཆོ་ག་རྒྱས་པ་ནི་འདི་ཡིན་ཏེ། སེམས་པ་གང་གི་སྙིང་པོ་དང་། ཕྱག་རྒྱ་དང་། གསང་སྔགས་དང་། རིག་པ་རྣམས་བཟླས་པའི་དོན་དུ་བསྒྲུབ་པར་བྱ་བ་དེ་ནི་བདག་གམ་
D479.084.0131b05.01སེམས་དཔའ་བསྒོམས་ན་བསྒྲུབ་པར་བྱ་བ་འགྲུབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་ཐུན་མོང་དུ་བཟླས་པའི་ཆོ་ག་རྒྱས་པ་རྫོགས་{སྷོ,སོ}།། །།དེ་ནས་རིགས་ཐམས་ཅད་ཀྱི་ཐུན་མོང་དུ་བསྒྲུབ་པའི་ཆོ་ག་རྒྱས་པ་ནི་འདི་ལྟ་
D479.084.0131b06.01སྟེ། དེ་ལ་དང་པོ་ཁོ་ནར་དེ་བཞིན་གཤེགས་པ་རྣམས་ཀྱི་རིགས་ཀྱི་དངོས་གྲུབ་ནི་འདི་ལྟ་སྟེ། ནོར་འགྲུབ་པའི་དངོས་གྲུབ་དང་། རྫུ་འཕྲུལ་གྱི་དངོས་གྲུབ་དང་། རིག་འཛིན་ཉིད་དུ་འགྲུབ་པ་དང་། དངོས་གྲུབ་ཆེན་པོ་རྣམས་སོ། །དེ་ལ་ནོར་འགྲུབ་པ་ནི་འདི་ཡིན་ཏེ། གང་ན་
D479.084.0131b07.01