完整藏文原文 · 德格版页 当前仅加载第 84 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ནོར་བུ་གསང་བའི་དཀྱིལ་འཁོར་འདིར་ལས་རྣམས་ཇི་ལྟ་བ་བཞིན་དུ་བྱས་ནས་རང་གི་སློབ་མ་རྣམས་བཙུད་དེ་འདི་སྐད་དུ་བསྒོ་བར་བྱའོ། །ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཤིག །ཁྱོད་རབ་ཏུ་དབུལ་བ་དང་དུས་བྱས་ནས་སེམས་ཅན་དམྱལ་བར་ལྷུང་ཏ་རེ་ཞེས་བསྒོ་
D479.084.0101a01.01ལ་རང་གི་ནོར་བུའི་དམ་ཚིག་གི་ཡེ་ཤེས་བསྐྱེད་པར་བྱའོ། །རྡོ་རྗེ་རིན་ཆེན་ཏིང་འཛིན་གྱིས། །མཁའ་ལ་རྡོ་རྗེ་རིན་ཆེན་བྲི། །བདག་ཉིད་ཀྱི་ནི་དཔྲལ་བར་ཡང་། །བཞག་ན་རྒྱལ་པོར་ངེས་པར་འགྱུར། །རིན་ཆེན་རྡོ་རྗེ་བཅིངས་ནས་ནི། །རྡོ་རྗེ་རིན་ཆེན་མཁའ་ལ་བྲི། །དབང་གི་གནས་སུ་བཞག་
D479.084.0101a02.01ན་ནི། །ངེས་པར་རྒྱལ་པོ་ཉིད་དུ་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །རྡོ་རྗེ་རིན་ཆེན་མཁའ་ལ་བྲི། །ཡེ་ཤེས་རྡོ་རྗེ་དེ་བཞག་ན། །ཉིད་ཀྱིས་གྲུབ་པའི་རྒྱལ་པོར་འགྱུར། །ལས་ཀྱིས་ཕྱག་རྒྱ་བཅིངས་ནས་ནི། །མཁའ་ལ་རྡོ་རྗེ་རིན་ཆེན་བྲིས། །རང་གི་གནས་སུ་དེ་བཞག་ན། །ཉིད་ཀྱི་གྲུབ་
D479.084.0101a03.01བའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །མ་ཧཱ་བཛྲ་རཏྣ་ཨ་བྷི་ཥིཉྩ་མཱཾ། ས་མ་ཡ་རཏྣ་ཨ་བྷི་ཥིཉྩ་མཱཾ། དྷརྨ་རཏྣ་ཨ་བྷི་ཥིཉྩ་མཱཾ། ཀརྨ་རཏྣ་ཨ་བྷི་ཥིཉྩ་མཱཾ། ཕྱག་རྒྱ་ཆེན་པོའི་སྙིང་གར་ནི། །རྡོ་རྗེ་རིན་ཆེན་བསྒོམ་པར་བྱ། །བསྒོམས་ནས་མངོན་པར་དབང་དུ་བསྐུར། །
D479.084.0101a04.01མཆོག་ཏུ་རྨད་དུ་བྱུང་བ་འཐོབ། །མཉམ་པར་བཞག་པས་རྡོ་རྗེ་ཡི། །རིན་ཆེན་དཔྲལ་བར་བསྒོམས་ནས་ནི། །རིན་ཆེན་རྡོ་རྗེ་བཅིངས་གྱུར་ན། །ཐམས་ཅད་ཀྱི་ནི་རྒྱལ་པོར་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །ལྕེ་ལ་རྡོ་རྗེ་རིན་ཆེན་བསྒོམ། །ཆོས་ཀྱི་རྒྱལ་པོ་ཉིད་དུ་ནི། །དབང་བསྐུར་
D479.084.0101a05.01བ་ནི་ཐོབ་པར་འགྱུར། །རབ་མཉམ་བཞག་པས་རྡོ་རྗེ་ཡི། །རིན་ཆེན་གཙུག་ཏོར་བསྒོམས་ནས་ཀྱང་། །ལས་ཀྱི་ཕྱག་རྒྱ་བཅིངས་ནས་ནི། །ལས་ལེགས་བྱེད་པའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་བཛྲ་རཏྣ་ཧྲྀ་ད་ཡ་ཨ་བྷི་ཥིཉྩ་ཧོ། ཨོཾ་བཛྲ་རཏྣ་ཨ་བྷི་ཥེ་ཀ་
D479.084.0101a06.01དྲ། ཨོཾ་བཛྲ་རཏྣ་ཨ་བྷི་ཥིཉྩ་བཾ། ཨོཾ་བཛྲ་རཏྣ་ཨུཥྞཱི་ཥ་ཨ་དྷིཥྛ་ན་སྭ་མཱ་ན། ཕྱག་རྒྱ་ཆེན་པོ་བདག་ཉིད་ཀྱིས། །བསྒོམས་ན་རྡོ་རྗེ་རིན་ཆེན་ཡང་། །རས་ལ་སོགས་ལ་བྲིས་ནས་ནི། །རྒྱལ་པོ་ཆེན་པོར་དེ་འགྱུར་རོ། །རྡོ་རྗེ་རིན་ཆེན་བླ་ན་མེད། །རས་ལ་སོགས་ལ་བྲིས་ནས་ཀྱང་། །སེམས་
D479.084.0101a07.01