完整藏文原文 · 德格版页 当前仅加载第 84 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ་རྗེ་གླུར་གྱུར་ནས་བཅོམ་ལྡན་འདས་འཇིག་རྟེན་དབང་པོའི་རྒྱལ་པོའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་
D479.084.0021a01.01གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བདག་ནི་ཀུན་གཟིགས་པའི། །གླུ་མཆོག་ཚུལ་གྱིས་མཆོད་པ་ཡིན། །གང་ཕྱིར་སྒྲ་བརྙན་འདྲ་བ་ཡིན། །མཆོད་པ་རྣམས་ཀྱིས་མཉེས་པར་བྱེད། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་
D479.084.0021a02.01ཀྱི་གར་གྱི་མཆོད་པའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་ནྲྀ་ཏི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་
D479.084.0021a03.01ཏུ་དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པ་དེ་དག་ཐམས་ཅད་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་
D479.084.0021a04.01མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ་ལྷ་མོ་ཆེན་མོ་རྡོ་རྗེ་གར་དུ་གྱུར་ནས། དེ་བཞིན་གཤེགས་པ་གདོན་མི་ཟ་བར་གྲུབ་པའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །
D479.084.0021a05.01ཨེ་མའོ་མཆོད་ཀུན་དོན་མཛད་པའི། །མཆོད་པ་རྒྱ་ཆེན་བདག་ཡིན་ཏེ། གང་ཕྱིར་རྡོ་རྗེ་གར་ཆོ་གས། །སངས་རྒྱས་མཆོད་པ་རབ་ཏུ་བྱེད། །དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་བདེ་བ་བླ་ན་མེད་པའི་དམ་ཚིག་དང་དེ་བཞིན་གཤེགས་པ་ཐམས་ཅད་ཀྱི་ཕྲེང་བ་དང་དེ་བཞིན་
D479.084.0021a06.01གཤེགས་པ་ཐམས་ཅད་ཀྱི་གླུ་དང་། དེ་བཞིན་གཤེགས་པ་ཐམས་ཅད་ཀྱི་མཆོད་པའི་ལས་བླ་ན་མེད་པ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་མི་བསྐྱོད་པས་དེ་བཞིན་གཤེགས་པ་རྣམ་པར་སྣང་
D479.084.0021a07.01