完整藏文原文 · 德格版页 当前仅加载第 84 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་རྣམས་དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་ཞུགས་ལ་ངའི་བཀའ་ལ་ཡང་ཉོན་ཅིག །དེ་ནས་དེ་དག་གིས་འདི་སྐད་ཅེས་གསོལ་ཏོ། །བདག་ཅག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཕྱག་ན་རྡོ་རྗེས་གསུངས་པ། །སངས་རྒྱས་ཆོས་དང་དགེ་འདུན་ལ། །
D479.084.0050b01.01སྐྱབས་སུ་འགྲོ་བར་བསྒྲུབ་པར་བྱོས། །ཀུན་མཁྱེན་ཡེ་ཤེས་ཐོབ་བྱའི་ཕྱིར། །གྲོགས་པོ་རྣམས་ཀྱིས་བསྒྲུབ་པར་གྱིས། དེ་ནས་འཇིག་རྟེན་གྱི་ཁམས་འདི་ན་འཇིག་རྟེན་གསུམ་པོ་མཐའ་དག་གི་བདག་པོ་ལྷ་ཆེན་པོ་འཇིག་རྟེན་གསུམ་པོ་ཐམས་ཅད་ཀྱི་བདག་པོར་གྱུར་པ་དྲེགས་ཏེ་
D479.084.0050b02.01ཆེར་ཁྲོས་པར་སྟོན་ཅིང་འདི་སྐད་ཅེས་སྨྲས་སོ། །ཀྱེ་གནོད་སྦྱིན་ང་ནི་འཇིག་རྟེན་གསུམ་པོ་མཐའ་དག་གི་གཙོ་བོ་དབང་ཕྱུག་ཆེན་པོ་བྱེད་པ་པོ་འཇིག་པ་པོ་འབྱུང་པོ་ཐམས་ཅད་ཀྱི་དབང་པོ་ལྷའི་ཡང་ལྷ་ཆེན་པོ་ཡིན་ན། གནོད་སྦྱིན་ཁྱོད་ཀྱི་ངག་ང་ཅི་ཕྱིར་ཉན། དེ་ནས་ཡང་ཕྱག་ན་རྡོ་རྗེས་རྡོ་རྗེ་
D479.084.0050b03.01གསོར་ཞིང་བཀའ་སྩལ་པ། ཀྱེ་སེམས་ཅན་མ་རུངས་པ་དཀྱིལ་འཁོར་དུ་མྱུར་དུ་ཞུགས་ལ་དའི་དམ་ཚིག་ལ་ཡང་དག་པར་གནས་པར་གྱིས་ཤིག །དེ་ནས་ལྷའི་ཡང་ལྷ་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་བུའི་སེམས་ཅན་དབང་ཕྱུག་
D479.084.0050b04.01ལ་འདི་སྐད་ཅེས་བཀའ་སྩལ་པ་འདི་སུ་ཞིག །དེ་ནས་བཅོམ་ལྡན་འདས་ཀྱིས་དབང་ཕྱུག་ཆེན་པོ་ལ་སོགས་པ་འཇིག་རྟེན་གསུམ་གྱི་ཚོགས་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །གྲོགས་པོ་རྣམས་དཀོན་མཆོག་གསུམ་ལ་སྐྱབས་སུ་འགྲོ་བ་དང་། དམ་ཚིག་དང་སྡོམ་
D479.084.0050b05.01པ་ལ་བསྒྲུབ་པར་གྱིས་ཤིག །ཕྱག་ན་རྡོ་རྗེ་འདི་སྐད་གནོད་སྦྱིན་ཁྲོ་བོ་མ་རུངས་པའི་བྱང་ཆུབ་སེམས་དཔའ་ཆེན་པོ་སྟེ། རྡོ་རྗེ་འབར་བས་ཁམས་གསུམ་པོ་འདི་དག་ཐམས་ཅད་བརླག་པར་བྱས་ཏ་རེ། དེ་ནས་དབང་ཕྱུག་ཆེན་པོ་འཇིག་རྟེན་གསུམ་པོ་མཐའ་དག་གི་དབང་པོར་གྱུར་པ་དང་།
D479.084.0050b06.01རང་གི་ཤེས་པའི་དབང་གིས་འཁོར་མང་པོ་དང་བཅས་པས། བཅོམ་ལྡན་འདས་ཕྱག་ན་རྡོ་རྗེ་འཇིགས་པར་བསྟན་པའི་ཕྱིར། ཁྲོ་བོ་གཏུམ་པ་ཆེན་པོར་རབ་ཏུ་འཇིགས་པའི་གཟུགས་འབར་བ་ཆེན་པོ་གཏོང་ཞིང་། མ་རུངས་པ་ཆེན་པོས་རྟ་སྐད་དུ་དགོད་པ་རྣམས་བསྟན་ནས་འདི་
D479.084.0050b07.01