完整藏文原文 · 德格版页 当前仅加载第 84 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ལ་མིང་གང་བཏགས་པ་དེ་ལ་ཀྱེ་ཞེས་བྱ་བའི་སྒྲ་དང་སྦྱར་བར་བྱའོ། །དེ་ནས་ཡེ་ཤེས་རྣམས་བསྐྱེད་དེ། །རྡོ་རྗེ་ཁྲོ་བོར་མཉམ་བཞག་ནས། །འབར་བ་མང་པོའི་འོད་ཅན་གྱི། །རྡོ་རྗེའི་དབྱིབས་ནི་སྟིང་གར་བསམ། །སྐྱེ་བོ་ཀུན་ལ་འབེབས་པར་བྱེད། །རྡོ་རྗེ་ཁྲོ་བོར་མཉམ་
D479.084.0060a01.01བཞག་ནས། །དཔྲལ་བར་རྡོ་རྗེ་རིན་ཆེན་ཡང་། །དེ་བཞིན་དུ་ནི་བསམ་བྱས་ནས། །སེམས་ཅན་ཐམས་ཅད་དབང་དུ་བྱེད། །རྡོ་རྗེ་ཁྲོ་བོར་མཉམ་བཞག་ནས། །འབར་བའི་ཕྲེང་བ་མང་པོའི་འོད། །རྡོ་རྗེ་པདྨ་མགུལ་དུ་བསམ། །སེམས་ཅན་ཐམས་ཅད་རླག་པར་བྱེད། །རྡོ་རྗེ་ཁྲོ་བོར་མཉམ་
D479.084.0060a02.01བཞག་ནས། །འབར་བའི་ཕྲེང་བ་མང་པོའི་འོད། །རྡོ་རྗེ་ཐམས་ཅད་སྤྱི་བོར་བཞག །སྐྱེ་བོ་དེ་དག་ཐམས་ཅད་སྲུང་། །དེ་ནས་ཡེ་ཤེས་ཀྱི་ཕྱག་རྒྱ་དེ་རྣམས་ཀྱི་སྙིང་པོ་ནི་འདི་དག་ཡིན་ནོ། །ཧུྃ་སརྦ་བཛྲ་ཀྲོ་དྷ་ཨཱ་བེ་ཤ་ཨཿ། ཧོ་རཏྣ་བཛྲ་ཀྲོ་དྷ་བྷཱ་ཥ་མཱ་ན་ཡ་ཏྼཾ་ཧཱུྃ། བཛྲ་དྷརྨ་ཀྲོ་དྷ་ནཱ་ཤ་ཡ་ཕཊ། ཧཱུྃ་
D479.084.0060a03.01ཀརྨ་བཛྲ་ཀྲོདྷ་རཀྵ། དེ་ནས་ལྷ་རྣམས་དགུག་པའི་ཡེ་ཤེས་ཀྱི་ཕྱག་རྒྱ་བསླབ་པོ། །ཧཱུྃ་ཞེས་བྱ་བ་བཅིངས་ནས་ནི། །ལག་པ་རྡོ་རྗེ་ལྕགས་ཀྱུར་བསམ། །ཁྲོས་ནས་མཛུབ་མོ་བསྐུལ་བ་ནི། །ལྷ་རྣམས་དགུག་པའི་མཆོག་ཏུ་འགྱུར། །རང་གི་རྐང་མཐིལ་དབུས་སུ་ནི། །རྡོ་རྗེ་ལྕགས་ཀྱུ་
D479.084.0060a04.01བྲིས་ནས་སུ། །དེ་ཉིད་ཀྱིས་ནི་རྟག་མནན་ན། །ལྷ་རྣམས་ངེས་པ་ཉིད་དུ་དགུག། །རྡོ་རྗེ་ལྕགས་ཀྱུ་ཉིད་ཕྱག་རྒྱ། །ལེགས་པར་ཕྱེ་སྟེ་བཞག་ནས་སུ། །བསྐུལ་ནས་ཨུ་མ་ལ་སོགས་པ། །བུད་མེད་ཐམས་ཅད་འགུགས་པར་བྱེད། །རྡོ་རྗེ་ལྕགས་ཀྱུ་བཞག་པ་ནི། །མཛུབ་མོ་ཉིད་དུ་དེ་བཞིན་དེ། །
D479.084.0060a05.01དེས་མནན་ལྷ་ཡི་གང་ཡིན་པ། །དེ་ནི་འགུགས་པའི་དམ་པའོ། །དེ་དག་གི་སྙིང་པོ་ནི་འདི་ཡིན་ནོ། །ཨོཾ་བཛྲ་ཀྲོ་དྷ་ཨཱ་ཀརྵ་ཡ་ཧཱུྃ་ཕཊ། ཨོཾ་བཛྲ་ཀརྨ་ཨཾ་ཀུ་ཤ་ཀྲོདྷ་ཨཱ་ཀརྵ་ཡཾ་ཧུྃ་ཕཊ། ཨོ་བཛྲ་ཀྲོདྷ་དཎྜ་ཨཱ་གྲ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་སི་གཙྪ་ཨཱ་ཀརྵ་ཡ་མི་ཏེ་བཛྲ་ས་མ་ཡ་མ་ནུ་སྨ་ར་ཧཱུྃ་
D479.084.0060a06.01ཕཊ། དེ་ནས་ཕྱག་རྒྱ་རྣམ་བཞིའི་ཡེ་ཤེས་བསླབ་བོ། །བརྐྱང་ཞིང་བསྐུམ་པར་གནས་པ་ནི། །རྡོ་རྗེ་དབབ་པའི་ཚུལ་གྱིས་ནི། །ཧཱུྃ་ཙམ་གྱིས་ཀྱང་སྐད་ཅིག་གིས། །སྐྱེ་བོ་ཐམས་ཅད་འབེབས་པར་བྱེད། །རྡོ་རྗེ་དག་ནི་ལེགས་པར་སྨྲས། །ཧཱུྃ་ཞེས་བྱ་བ་བཞི་ལྡན་པས། །སངས་རྒྱས་ཀུན་གྱི་སྙིང་པོ་ཡིས། །
D479.084.0060a07.01