完整藏文原文 · 德格版页 当前仅加载第 84 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་དྲང་བར་བྱ་བའི་ཕྱིར། །དེ་ལ་ཁྲོ་བར་མ་གྱུར་ཡང་། །མ་རུངས་བདུད་བྱས་དངོས་གྲུབ་འཐོབ། །དེ་ལ་པདྨའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །པདྨ་ཆུ་ཡིས་མི་ཆགས་པ། །དེ་བཞིན་འདོད་པས་མི་ཆགས་ཞེས། །སྨྲ་ཞིང་དགོས་མིན་
D479.084.0108a01.01བྱེད་ཀྱང་ནི། །སྡིག་པས་གོས་པར་མི་འགྱུར་རོ། །དེ་ལ་ནོར་བུའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སྦྱིན་དང་མཉམ་པའི་ཆོས་མེད་དེ། །སྒྲུབ་པར་བྱེད་ཅིང་སྨྲ་བ་ནི། །ནོར་བུའི་རིགས་ནི་ཆེན་པོའི་ཆོས། །མི་འདོད་དངོས་གྲུབ་གོང་མ་བཞིན། །རིགས་ཐམས་ཅད་ཀྱི་ཆོས་
D479.084.0108a02.01ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པའི་ལས་ཀྱི་དངོས་གྲུབ་རྒྱུད་ནི་འདི་ཡིན་ཏེ། སེམས་ཅན་ཐམས་ཅད་སངས་
D479.084.0108a03.01རྒྱས་དང་། །བྱང་ཆུབ་སེམས་དཔའ་ཉིད་རྣམས་སུ། །ཇི་བཞིན་དུ་ནི་བཏུལ་ནས་སུ། །ལས་ཀྱི་ཕྱག་རྒྱའི་མཆོག་འགྲུབ་སྦྱིན། །དེ་ལ་དེ་བཞིན་གཤེགས་པའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །དུས་བཞི་ཡི་ནི་ཚུལ་དག་ཏུ། །མཆོད་པ་རྣམ་པ་བཞི་ཡིས་ནི། །རྟག་ཏུ་ལྡན་
D479.084.0108a04.01པ་རྣམ་བཞིར་ཡང་། །བྱས་ནས་ལས་རྣམས་བསྒྲུབ་པར་བྱ། །དེ་ལ་རྡོ་རྗེའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །མ་རུངས་སེམས་ཅན་གནོད་བྱའི་ཕྱིར། །དགོས་པ་གང་དང་གང་དེ་བྱེད། །ལས་ཀྱི་རྡོ་རྗེ་རིགས་ཀྱིས་འདིས། །དངོས་གྲུབ་ཐམས་ཅད་རབ་སྦྱིན་བྱེད། །དེ་ལ་པདྨའི་
D479.084.0108a05.01རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །འཇིགས་པས་གཟིར་ལ་མི་འཇིགས་སྦྱིན། །ཇི་བཞིན་པར་ནི་འདུལ་དེ་བཞིན། །འདི་ནི་པདྨའི་རིགས་ཀྱི་ལས། །སངས་རྒྱས་དངོས་གྲུབ་སྦྱིན་པའོ། །དེ་ལ་ནོར་བུའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སངས་རྒྱས་དབང་
D479.084.0108a06.01བསྐུར་དེ་བཞིན་དུ། །ལུས་ཅན་རྣམས་ལ་སྦྱིན་པ་དང་། །རེ་བ་ཐམས་ཅད་རྫོགས་བྱེད་པའི། །ལས་ཀྱི་དོན་དུ་བསྒྲུབ་པའོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་
D479.084.0108a07.01