完整藏文原文 · 德格版页 当前仅加载第 84 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཆོས་ཉིད་ཀྱི་ཕྱག་རྒྱའི་ཡེ་ཤེས་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །རྡོ་རྗེ་སེམས་དཔའི་ཏིང་འཛིན་གྱིས། །སངས་རྒྱས་རྣམས་ཀྱི་ཆོས་ཉིད་དགོངས། །འདི་ནི་སངས་རྒྱས་སངས་
D479.084.0108b01.01རྒྱས་ཉིད། །གཞན་ལ་སངས་རྒྱས་འགྱུར་བ་མེད། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ཏེ། ཕྱག་རྒྱ་ཆེན་པོ་བསྒོམས་ན་ནི། །དངོས་གྲུབ་ཐམས་ཅད་བསྒྲུབ་པར་བྱ། །འདི་ནི་དེ་བཞིན་གཤེགས་རིགས་ཀྱི། །ཆོས་ཉིད་
D479.084.0108b02.01དངོས་གྲུབ་དམ་པ་འཐོབ། །དེ་ལ་འདི་ནི་རྡོ་རྗེའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཕྱག་རྒྱ་ཆེན་པོའི་ཚུལ་གྱིས་ནི། །དམ་ཚིག་མཆོག་ནི་བཅིངས་ནས་ཀྱང་། །ལས་རྣམས་ཐམས་ཅད་བསྒྲུབས་ན་ནི། །རྡོ་རྗེས་དངོས་གྲུབ་ཐོབ་པར་འགྱུར། །དེ་ལ་འདི་ནི་པདྨའི་རིགས་
D479.084.0108b03.01ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཆོས་ཀྱི་ཕྱག་རྒྱའི་ཚུལ་གྱིས་ནི། །ཆོས་ཀྱི་ཕྱག་རྒྱ་རྗོད་བྱེད་ཅིང་། །རྡོ་རྗེ་ཆོས་ནི་ཆོས་རྣམས་ཀྱི། །ཆོས་ཉིད་དུ་ནི་འདིས་བསྒྲུབས་པའོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །ལས་ཀྱི་ཕྱག་རྒྱའི་ཚུལ་
D479.084.0108b04.01གྱིས་ནི། །ལས་ཀྱི་རྡོ་རྗེ་སྙིང་གར་གཞག །ཆོས་ཉིད་འདི་དག་བསྒོམས་ན་ནི། །ལས་ཀྱི་ཆོས་ཉིད་ཐོབ་པར་འགྱུར། །རིགས་ཐམས་ཅད་ཀྱི་ཆོས་ཉིད་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་
D479.084.0108b05.01ཅད་ཀྱི་རིགས་ཀྱི་ཡེ་ཤེས་ཀྱི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་རྣམས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ཡིན་ཏེ། རྡོ་རྗེ་སེམས་དཔའི་ཏིང་འཛིན་གནས། །ཟླ་བའི་རྡོ་རྗེ་ཚུལ་གྱིས་ནི། །ཇི་ལྟར་དེ་གཉིས་ཁ་དོག་ཤེས། །དེ་ལྟར་འཇིག་རྟེན་དེ་ཤེས་
D479.084.0108b06.01ཏེ། །དག་ལ་དག་དང་དཀར་འོད་གསལ། །ཆགས་ལ་དམར་དང་དམར་སེར་འཕྲོ། །ཤེས་ནས་ཁ་དོག་ཇི་བཞིན་པའི། །དེ་ཡི་བདག་ཉིད་ཉིད་དུ་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་རྒྱུད་དེ། ཟླ་བའི་དཀྱིལ་འཁོར་འོད་བཅས་པའི། །ཕྱག་རྒྱ་ཆེན་
D479.084.0108b07.01