完整藏文原文 · 德格版页 当前仅加载第 84 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་བྱེད་ན་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསང་བ་ཕྱག་རྒྱ་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་དེ། དེ་ལྟ་དེ་ལྟར་གནས་ནས་ཀྱང་། །ཇི་ལྟ་ཇི་ལྟར་བྱེད་ཀྱང་
D479.084.0137b01.01རུང་། །རྡོ་རྗེ་ཁྲོ་བོ་མཛུབ་མོ་བཅིངས། །གོས་ཀྱིས་གཡོགས་ན་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་རྒྱལ་པོས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསང་བའི་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་དེ། ལག་ནི་གཡོན་
D479.084.0137b02.01པས་པདྨ་ཡི། །ཁུ་ཚུར་བཅིངས་ཏེ་སྦས་ནས་ནི། །ཇི་དགར་མྱུར་དུ་པདྨ་ཡི། །དངོས་གྲུབ་ཀྱང་ནི་ཐོབ་པར་འགྱུར། །ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་དེ།
D479.084.0137b03.01གཡོན་པའི་རིན་ཆེན་ཁུ་ཚུར་ནི། །བཅིངས་ཏེ་དམ་པའི་ལག་གཡོགས་ལ། །ཅི་དགའ་བར་ནི་རིམ་གྲོར་བྱེད། །རིན་ཆེན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །དེ་ལ་འདི་ནི་རིགས་ཐམས་ཅད་ཀྱི་གསང་བའི་ཐུན་མོང་གི་
D479.084.0137b04.01ཕྱག་རྒྱ་བསྒྲུབ་པའི་རྒྱུད་དེ། རང་གི་སེམས་དཔའི་ཏིང་འཛིན་གྱིས། །ཕྱག་རྒྱ་ཆེན་པོའི་ཚུལ་དུ་ནི། །རྡོ་རྗེ་དག་དང་རྡོ་རྗེའི་ལྟ། །རིང་པོར་མི་ཐོགས་མཆོག་འགྲུབ་བོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ། །རིགས་
D479.084.0137b05.01ཐམས་ཅད་ཀྱི་གསང་བའི་སྐུ་དང་གསུང་དང་ཐུགས་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་རྫོགས་སྟོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྟོག་པ་འདི་ནི་
D479.084.0137b06.01བྱིན་གྱིས་བརླབ་པར་མཁྱེན་པར་མཛད་དུ་གསོལ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་ཡང་ལེགས་སོ་ཞེས་བྱ་བ་འདི་བྱིན་ནོ། །རྡོ་རྗེའི་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང་། །ཐེག་པ་ཆེན་པོ་མངོན་འདུས་པའི། །མདོ་
D479.084.0137b07.01