完整藏文原文 · 德格版页 当前仅加载第 84 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། མདོ་སྡེ་ཟབ་ཅིང་རྒྱ་ཆེ་བའི། །ཚུལ་རྣམས་ལེགས་པར་བརྗོད་ནས་ཀྱང་། །ཡིད་དང་ངག་གིས་ཕུལ་ན་ནི། །དངོས་གྲུབ་མྱུར་དུ་འཐོབ་པར་འགྱུར། །ཞེས་བཅོམ་ལྡན་འདས་ཀུན་དུ་
D479.084.0113b01.01སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དོ། །གདུགས་དང་འཕན་དང་རྒྱལ་མཚན་གྱིས། །རྒྱལ་པོའི་མཆོད་པས་མཆོད་བྱེད་ཅིང་། །སྦྱིན་པ་ཐམས་ཅད་བྱིན་ན་ནི། །ནོར་བུའི་རིགས་ནི་ཐོབ་པར་འགྱུར། །ཞེས་
D479.084.0113b02.01བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །ཉིད་ལ་བྱིན་གྱིས་བརླབས་སོགས་ལྡན། །རྡོ་རྗེ་སེམས་དང་འདྲ་བར་འགྱུར། །ཆོ་འཕྲུལ་རྣམ་པ་བཞི་ཡིས་ནི། །རྡོ་རྗེ་སྣ་ཚོགས་ཏིང་འཛིན་གྱིས། །དངོས་གྲུབ་ཐམས་ཅད་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་
D479.084.0113b03.01གསུངས་སོ། །རིགས་ཐམས་ཅད་ཀྱི་བྱིན་གྱིས་བརླབ་པ་དང་། དབང་བསྐུར་བ་དང་། ཏིང་ངེ་འཛིན་དང་། མཆོད་པ་རྣམས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མངོན་པར་ཤེས་པའི་ཡེ་ཤེས་
D479.084.0113b04.01ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་ཡིན་ནོ། །ལུས་ལ་སངས་རྒྱས་ཏིང་འཛིན་ནི། །འདི་ནི་བདེ་གཤེགས་ཉིད་མངོན་ཤེས། །དེ་ནི་རབ་ཏུ་རྟོགས་ནས་ནི། །སངས་རྒྱས་པ་ཡི་དངོས་གྲུབ་འཐོབ། །
D479.084.0113b05.01ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །འཕྲུལ་གྱི་མིག་སོགས་མངོན་ཤེས་ནི། །རབ་མཉམ་བཞག་པས་བསྒོམས་ནས་ཀྱང་། །མངོན་ཤེས་ལྔ་ནི་བདག་གྱུར་ན། །
D479.084.0113b06.01དངོས་གྲུབ་མཆོག་ནི་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཁྲོ་བོ་མངོན་ཤེས་བསྐྱེད་ནས་ནི། །རབ་མཉམ་བཞག་པས་བསྒོམས་ན་ཡང་། །མངོན་ཤེས་ལྔ་ནི་བདག་
D479.084.0113b07.01