完整藏文原文 · 德格版页 当前仅加载第 84 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དེ་དག་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས། ཁོ་བོ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྦྱིན་པར་སྒྲུབས་ཤིག །དེ་ནས་དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་བསྩལ་བར་མི་ནུས་སོ། །
D479.084.0141a01.01ཅི་སྟེ་བདག་ཅག་གིས་ནུས་པར་གྱུར་ན། བདག་ཅག་ཉིད་ཡང་དག་པར་རྫོགས་པར་སངས་རྒྱས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་གསལ་བར་མཛད་ཅིང་། ཡང་ཚིགས་སུ་བཅད་པ་འདི་གསུངས་སོ། །དེ་ནི་གཟུགས་མིན་གཟུགས་མིན་མིན། །བདེན་
D479.084.0141a02.01མིན་{བརྫུན་,རྫུན་}མིན་གཙང་བ་ཡི། །སངས་རྒྱས་བྱང་ཆུབ་ཡེ་ཤེས་འདི། །རྟོགས་ན་རྒྱལ་བ་ཉིད་དུ་འགྱུར། །དེ་ནས་ལྷའི་དབང་པོ་དེ་དག་གིས་ཅུང་ཟད་ཅིག་ཅང་མི་སྨྲ་བར་གནས་པར་གྱུར་ཏོ། །དེ་ནས་བཅོམ་ལྡན་འདས་རྩྭའི་གདན་ལས་བཞེངས་ཏེ། ལྷ་དེ་རྣམས་ལ་འདི་སྐད་ཅེས་བཀའ་
D479.084.0141a03.01སྩལ་ཏོ། །གྲོགས་པོ་རྣམས། སངས་རྒྱས་ཀྱི་ཡེ་ཤེས་འདི་ལྟ་བུ་རྟོགས་པར་བྱ་བ་སྒྲུབས་ཤིག །དེ་དག་གིས་གསོལ་པ། བཅོམ་ལྡན་འདས། བདག་ཅག་གིས་རྔོ་མི་ཐོགས་སོ། །དེ་ནས་ཡང་བཅོམ་ལྡན་འདས་ཀྱིས་གདན་དེ་ཉིད་ལ་བཞུགས་བཞིན་དུ་ཚིགས་སུ་བཅད་པ་འདི་
D479.084.0141a04.01གསུངས་སོ། །ཡིད་ཀྱིས་རབ་ཏུ་རྟོགས་པས་ན། །བྱང་ཆུབ་སེམས་ནི་བརྟན་པར་བྱོས། །སེམས་དཔའ་རྡོ་རྗེ་བརྟན་བྱས་ལ། །སངས་རྒྱས་སུ་ནི་བདག་སྒོམས་ཤིག །དེ་ནས་དེ་དག་གིས་འདི་སྐད་དུ། དེ་ལྟ་བུ་ལེགས་སོ་ཞེས་བྱ་བ་ཐམས་ཅད་ཀྱིས་སྨྲས་ནས་དོང་ངོ་། །དེ་
D479.084.0141a05.01ནས་བཅོམ་ལྡན་འདས་ཀྱིས་མཚན་མོ་དེའི་ཐོ་རངས་འཇིག་རྟེན་དང་མཐུན་པར་བྱ་བའི་ཕྱིར། བདུད་སྡེ་དང་བཅས་པ་ཕམ་པར་བྱས་ནས། བླ་ན་མེད་པ་ཡང་དག་པར་རྫོགས་པའི་སངས་རྒྱས་སུ་མངོན་པར་སངས་རྒྱས་ནས། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་
D479.084.0141a06.01ཅད་ལ་ཕན་པར་མཛད་པ། འཕགས་པ་ཕྱག་ན་རྡོ་རྗེ་རང་གི་ཐུགས་ལ་ཞུགས་པ་ལ་མཚན་བརྒྱ་རྩ་བརྒྱད་པ་འདིས་མངོན་པར་བསྟོད་དོ། །རྡོ་རྗེ་སེམས་དཔའ་སེམས་དཔའ་ཆེ། །ཐེག་པ་ཆེན་པོ་བདག་ཉིད་ཆེ། །སྣང་བ་ཆེ་ཞིང་དག་པ་ཆེ། །མགོན་ཆེན་ཁྱོད་ལ་ཕྱག་འཚལ་ལོ། །
D479.084.0141a07.01