完整藏文原文 · 德格版页 当前仅加载第 84 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐོར། །དེ་ནས་དེའི་ཚེ་སངས་རྒྱས་ཀྱི་ཞིང་ཐམས་ཅད་ཀྱི་ཁོངས་སུ་གཏོགས་པའི་སེམས་ཅན་ཕྲ་བའམ། སྦོམ་པ་ཡང་རུང་། དེ་དག་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་རི་རབ་རིའི་རྒྱལ་པོ་རྩེ་མོ་རྡོ་རྗེ་དང་། ནོར་བུ་དང་། རིན་པོ་ཆེ་ལས་བྱས་པའི་ཁང་བུ་བརྩེགས་
D479.084.0139b01.01པར་དེ་བཞིན་གཤེགས་པ་ཐམས་ཅད་གདན་ལ་བཞུགས་ནས། རྡོ་རྗེ་དབྱིངས་ལ་སོགས་པའི་འཁོར་ལོ་ཐམས་ཅད་རབ་ཏུ་བསྐོར་བར་ཕྱོགས་ཀུན་ནས་མཐོང་ངོ་། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེའི་ཚེ་ཚིགས་སུ་བཅད་པ་འདི་གསུངས་སོ། །མི་ཡི་ནང་དུ་
D479.084.0139b02.01བབས་ནས་ཀྱང་། །དགོས་ཕྱིར་སེམས་ཅན་ཀུན་གྱི་དོན། །རྡོ་རྗེའི་འཁོར་ལོ་མཆོག་བསྐོར་ཞིང་། །མགོན་པོ་རབ་ཏུ་བསྒྲུབ་པར་མཛོད། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ལ་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་
D479.084.0139b03.01གཤེགས་པ་ཐམས་ཅད་ཡང་གཅིག་ཏུ་འདུ་བ་མཛད་དུ་གསོལ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་
D479.084.0139b04.01ཅད་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེར་བདག་ཉིད་དུ་གྱུར་པར་མཁྱེན་ནས་ཕྱག་ན་རྡོ་རྗེ་ལ་འདི་སྐད་ཅེས་གསུངས་སོ། །རིགས་ཀྱི་བུ་ཁྱེད་ཀྱང་ངའི་ཐུགས་དང་། དེ་བཞིན་གཤེགས་པ་ཐམས་ཅད་དང་། རིགས་ཐམས་
D479.084.0139b05.01ཅད་དང་། དཀྱིལ་འཁོར་ཐམས་ཅད་དང་། དེ་བཞིན་གཤེགས་པ་ཐམས་ཅད་ཀྱི་ཐུགས་སུ་ཞུགས་ཤིག །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་སྣང་བས་ཚིགས་སུ་བཅད་པ་འདི་གསུངས་སོ། །མདོར་ན་སངས་རྒྱས་ཐམས་
D479.084.0139b06.01ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ནི། །ཞུགས་ནས་སེམས་ཅན་ཐམས་ཅད་ལ། །ཕན་པའི་ཕྱིར་ནི་བསྒྲུབ་པར་བྱ། །དེ་ནས་འདི་གསུངས་མ་ཐག་ཏུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་འཇིག་རྟེན་གྱི་ཁམས་ཐམས་ཅད་ན། དེ་བཞིན་
D479.084.0139b07.01