完整藏文原文 · 德格版页 当前仅加载第 84 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །རྡོ་རྗེ་སྐྱིལ་མོ་ཀྲུང་བཅིངས་ལ། །ལག་གཉིས་རྡོ་རྗེར་བསྡམས་པ་ལས། །མྱུར་དུ་སངས་རྒྱས་ཉིད་འགྲུབ་འགྱུར། །ཞེས་སངས་རྒྱས་བཅོམ་ལྡན་
D479.084.0122a01.01འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། ཇི་ལྟར་རྒྱལ་པོ་ཉིད་ཕྱག་རྒྱ། །རྒྱལ་པོ་ཁྲིམས་ལ་འདེབས་པ་ལྟར། །བདག་ཉིད་ཆེན་པོ་སྐྱེ་བོ་རྣམས། །སྐུ་གསུང་ཐུགས་ནི་རྡོ་རྗེ་ཡི། །
D479.084.0122a02.01གཟུགས་བརྙན་གྱི་ནི་ཚུལ་དུ་ཡང་། །ཉིད་ཀྱི་ཕྱག་རྒྱ་བཏབ་པ་ནི། །བདག་ཉིད་ཆེ་བའི་ཕྱག་རྒྱ་ཆེར། །ཤེས་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ཕྱག་རྒྱ་ཆེན་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་
D479.084.0122a03.01བའི་རྒྱུད་དེ། ཇི་ལྟར་དམ་ཚིག་དམ་པ་ནི། །སྐྱེ་བོ་འགས་ནི་བཅིང་གྱུར་ན། །ཤིན་ཏུ་འདའ་བར་མི་བྱ་བ། །དེ་ལྟར་དེ་བཞིན་གཤེགས་ཀུན་གྱི། །དམ་ཚིག་ཕྱག་རྒྱ་བཅིངས་པ་ཡིས། །རྡོ་རྗེ་བཅིང་བའི་མཆོག་བཅིངས་ན། །མ་ཤི་བར་དུ་མི་འདའ་བར། །ཤེས་ནས་དངོས་གྲུབ་ཐོབ་
D479.084.0122a04.01པར་འགྱུར། །ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །དེ་ལ་འདི་ནི་ཆོས་ཀྱི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། མདོར་ན་རྒྱལ་བས་རྡོ་རྗེ་བཀའ། །འདའ་བར་བྱ་བ་མ་ཡིན་ཏེ། །འདི་ནི་བཅིངས་པར་ཤེས་ནས་ཀྱང་། །དེས་
D479.084.0122a05.01ནི་ཆོས་ཀྱི་དངོས་གྲུབ་འགྱུར། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་རྡོ་རྗེ་ལས་ཀྱི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། རྡོ་རྗེ་བཀའ་དང་ལས་མང་རྣམས། །འདའ་བར་བྱ་བ་མ་ཡིན་ཞིང་། །བཀའ་ཉན་པ་ཡི་ལས་
D479.084.0122a06.01དེ་ནི། །ཤེས་ན་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་ཀྱི་ཆོ་ག་རྒྱས་པ་གསང་བའི་རྒྱུད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་
D479.084.0122a07.01