完整藏文原文 · 德格版页 当前仅加载第 84 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའི་སྙིང་པོས་དོན་ཐམས་ཅད་གྲུབ་པ་ཞེས་བྱ་བའི་སྙིང་པོ་འདི་གསུངས་སོ། །ཨོཾ་བཛྲ་མ་ཎི་དྷཱ་ར་སརྦ་ཨརྠ་སིདྡྷི་མྨེ་པྲ་ཡཙྪ་ཧོ། བྷ་ག་བཱ་ན་བཛྲ་རཏྣ་ཧཱུྃ། དེ་ནས་དཀྱིལ་འཁོར་འདི་ཡིན་ཏེ། དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །དངོས་གྲུབ་ཀྱི་ནི་
D479.084.0106a01.01དཀྱིལ་འཁོར་ནི། །ཇི་བཞིན་པར་ནི་བྲི་བར་བྱ། །དེ་ནས་འདིར་ཡེ་ཤེས་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །གཟུགས་ལ་སོགས་པའི་འདོད་པའི་རྣམས། །ཆགས་པར་གྱུར་པའི་བདེ་བ་ནི། །སངས་རྒྱས་ལ་ཡང་ཕུལ་གྱུར་ན། །ལས་ཀྱི་དངོས་གྲུབ་ཐོབ་པར་འགྱུར། །
D479.084.0106a02.01དེ་ནས་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །རས་ལ་སོགས་པ་ལ་ཡང་སེམས་དཔའ་འམ་ཕྱག་རྒྱའི་དཀྱིལ་འཁོར་བྲིས་ཏེ་བསྒྲུབ་པར་བྱའོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་
D479.084.0106a03.01ལེགས་སོ་ཞེས་བྱ་བ་བྱིན་པ་འདིས་བསྟོད་དོ། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང་། །ཐེག་པ་ཆེན་པོ་མངོན་འདུས་
D479.084.0106a04.01པ། །རྡོ་རྗེ་ཐེག་པ་བླ་ན་མེད། །མདོ་སྡེ་འདི་ནི་ལེགས་པར་བཤད། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན་པོ་དུམ་བུ་བཞི་པ་རྫོགས་{སྷོ,སོ}།། །།
D479.084.0106a05.01བམ་པོ་བརྒྱད་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དེ་ཁོ་ན་ཉིད་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་རེ་ཞིག་དང་པོར་ནི་ཕྱག་རྒྱ་ཆེན་པོ་དམ་པའི་དངོས་གྲུབ་ཀྱི་རྒྱུད་བཤད་དེ། དེ་བཞིན་གཤེགས་
D479.084.0106a06.01པ་ཕྱག་རྒྱ་ཆེ། །བཅིངས་ནས་མཁའ་དབྱིངས་ཐམས་ཅད་དུ། །སངས་རྒྱས་སྐུ་གཟུགས་བྱིན་བརླབས་ལ། །རང་གི་སྙིང་དུ་བཅུག་ནས་ནི། །ཅི་སྟེ་འདོད་ན་ཚེ་འདི་ལ། །ཞི་བ་དམ་པ་མཆོག་གྱུར་པ། །སངས་རྒྱས་ཉིད་འཐོབ་ངེས་འདི་བསྒྲུབ། །ཅི་སྟེ་མི་འདོད་དངོས་གྲུབ་བཞིན། །
D479.084.0106a07.01