完整藏文原文 · 德格版页 当前仅加载第 84 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེར་ནི་ཞུགས་ནས་ཀྱང་། །སངས་རྒྱས་ལ་ནི་ཉིད་དུ་སྨྲ། །འདི་ཁྱབ་པ་ཡི་བཙུན་མོ་སྟེ། །ཀུན་གཏོང་བས་ནི་བདག་སོགས་ཞེས། །རིགས་རྣམས་ཀུན་གྱི་ཕྱག་རྒྱ་ནི། །ཚུལ་རྣམས་ལ་ཡང་དེ་སྐད་བརྗོད། །སངས་རྒྱས་རྣམས་ནི་མཉམ་མེད་པའི། །གསང་བའི་དངོས་གྲུབ་
D479.084.0118b01.01ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་ཀྱི་གསང་བའི་རྒྱུད་དེ། རྡོ་རྗེ་དབྱིངས་དང་འདྲ་བར་ནི། །དཀྱིལ་འཁོར་ལེགས་པར་བྲི་བར་བྱ། །དེ་བཞིན་གཤེགས་
D479.084.0118b02.01པའི་རིགས་རྣམས་ནི། །ཐམས་ཅད་ཀྱི་ནི་མཆོག་འཚལ་ཏེ། །དཀྱིལ་འཁོར་དུ་ནི་ཞུགས་ནས་ཀྱང་། །དངོས་གྲུབ་འདོད་པས་མྱུར་བར་ནི། །སུ་ར་ཏ་ས་མ་ཡ་སྟྭཾ་ཧོ། །བཛྲ་ས་ཏྭ་ཨཱདྱ་སིད་དྷྱ་མཱཾ། ཞེས་བརྗོད་སྙིང་པོ་འདི་བཟླས་ཏེ། །བསྒྲུབས་ན་ཐམས་ཅད་འགྲུབ་པར་འགྱུར། །
D479.084.0118b03.01དེ་ཉིད་བསྐུལ་བའི་ཚུལ་གྱིས་ནི། །མགུ་ནས་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དེ། ཁམས་གསུམ་རྣམ་རྒྱལ་འདྲ་བར་ནི། །རྡོ་རྗེ་རིགས་
D479.084.0118b04.01ཀུན་རྣམས་ཀྱི་ནི། །དཀྱིལ་འཁོར་ཐམས་ཅད་འཇུག་པར་ཡང་། །མཁས་པས་ལེགས་པར་བྲི་བར་བྱ། །དེར་ཞུགས་ནས་ནི་མྱུར་བར་ཡང་། །དངོས་གྲུབ་གསོལ་བ་འདེབས་བྱེད་ཅིང་། །འདོད་ཆགས་ལས་ནི་ཁྱོད་འབྱུང་ཞེས། །ཞེས་སྨྲས་ཀུན་དུ་འགྲུབ་པར་འགྱུར། །ཞེས་བཅོམ་
D479.084.0118b05.01ལྡན་འདས་རྡོ་རྗེ་ཧཱུྃ་གིས་གསུངས་སོ། །དེ་ལ་འདི་ནི་པདྨའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དེ། པདྨའི་རིགས་ནི་ཐམས་ཅད་ཀྱི། །འགྲོ་བ་འདུལ་བའི་ཚུལ་དུ་ནི། །མཁས་པས་དཀྱིལ་འཁོར་བྲི་བར་བྱ། །དེར་ཞུགས་ནས་ནི་བརྗོད་བྱ་བ། །
D479.084.0118b06.01འདོད་ཆགས་ཆོས་ཏེ་པདྨ་ཆེ། །ཁྱབ་པས་བདག་ནི་མྱུར་དངོས་གྲུབ། །དེ་སྐད་སྨྲས་ནས་དཀྱིལ་འཁོར་ནི། །ཀུན་གྱི་དེས་ནི་དངོས་གྲུབ་ཐོབ། །ཅེས་བཅོམ་ལྡན་འདས་འཇིག་རྟེན་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་
D479.084.0118b07.01