完整藏文原文 · 德格版页 当前仅加载第 1 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཀུན་ནས་ཡོངས་སུ་བསྲུང་བར་བྱའོ། །དེ་དག་གིས་སྨྲས་པ། ལྷའི་གནས་སྐབས་གང་ལགས་པ་དེ་བདག་ཅག་གི་ཡང་ལགས་ལ། ལྷའི་ཞབས་གང་ན་བ་དེ་ན་བདག་ཅག་གི་མགོ་མཆིས་སོ། །དེ་ནས་དེས་དཔུང་གི་ཚོགས་ཡན་ལག་བཞི་པ་
D1.001.0006a01.01གོ་བསྐོན་ཏེ། རྒྱལ་པོའི་ཁབ་ནས་བྱུང་ངོ་། །རྒྱལ་པོ་པད་མ་ཆེན་པོ་སྟེང་གི་ཁང་{བཟངས་ཀྱི་,བཟང་གི་}གཞིར་གཏོགས་པ་ན་བློན་པོའི་ཚོགས་ཀྱིས་བསྐོར་ཅིང་འདུག་པ་དེས་དེ་བྱུང་བ་མཐོང་ནས་དེས་བློན་པོ་རྣམས་ལ་སྨྲས་པ། ཤེས་ལྡན་དག་དམག་འདི་སུའི་ཡིན། དེ་དག་གིས་སྨྲས་པ།
D1.001.0006a02.01ལྷ་གཞོན་ནུ་གཟུགས་ཅན་སྙིང་པོའི་ལགས་སོ། །དེས་སྨྲས་པ། ཤེས་ལྡན་དག་ཨེ་མ་འདི་དམག་མང་པོ་དང་ལྡན་ནོ་ཞེས་སྨྲས་པས། དེའི་མིང་དམག་ལྡན་གཟུགས་ཅན་སྙིང་པོ། དམག་ལྡན་གཟུགས་ཅན་སྙིང་པོ་ཞེས་བྱ་བར་གྱུར་ཏོ། །དེ་ན་ཁ་ཅིག་གིས་ནི་བཟོ་
D1.001.0006a03.01སྦྱངས་གཟུགས་ཅན་སྙིང་པོ་ཞེས་བྱ་བར་ཤེས་སོ། །ཁ་ཅིག་གིས་ནི་དམག་ལྡན་གཟུགས་ཅན་སྙིང་པོ་ཞེས་བྱ་བར་ཤེས་སོ། །གཞོན་ནུ་གཟུགས་ཅན་སྙིང་པོས་བློན་པོའི་བུ་ལྔ་བརྒྱ་པོ་དག་ལ་སྨྲས་པ། ཤེས་ལྡན་དག་ཨང་གའི་རྒྱལ་པོ་འདི་ནི་གདུག་པ་ཕ་རོལ་གནོན་
D1.001.0006a04.01པ་དཔུང་དང་མཐུ་ཆེ་བར་གྱུར་པ་ཡིན་པས་ཡུ་བུ་ཅག་གིས་འདི་དང་ལྷན་ཅིག་གཡུལ་སྤྲད་པར་ནི་མི་ནུས་ཀྱིས། འདི་ལྟར་དེ་བག་ཡངས་སུ་གོ་ཕུད་པའི་ཕྲུ་མ་བརྫི་ཞིང་བཞབས་ཏེ་གསད་པར་བྱའོ། །དེ་དག་གིས་དེ་བག་ཡངས་སུ་གོ་ཕུད་པའི་ཕྲུ་མ་བརྫིས་ནས་དེ་དག་གིས་ཨང་
D1.001.0006a05.01གའི་རྒྱལ་པོ་བཞབས་ཏེ་བསད་དོ། །ཨང་གའི་རྒྱལ་པོའི་དཔུང་གི་ཚོགས་ཡན་ལག་བཞི་པ་ཕྱོགས་བཞིར་བྱེར་བ་དང་། གཞོན་ནུ་གཟུགས་ཅན་སྙིང་པོས་ཕྱོགས་བཞིར་ཕོ་ཉ་རྟ་པ་དག་བཀྱེ་སྟེ། ཤེས་ལྡན་དག་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་
D1.001.0006a06.01བ་ཡིན་ལ། ངེད་ཀྱང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་གྱིས་ཕྱིར་ལོག་ཤིག་དང་། ཤེས་ལྡན་དག་ངས་ཤེས་ལྡན་དག་ལ་འཚོ་བའི་རྒྱུ་སྦྱིན་པར་བྱའོ་ཞེས་སྤྲིང་བ་དང་དེ་དག་ཕྱིར་ལོག་གོ། །དེ་ནས་ཨང་གའི་རྒྱལ་པོས་གྲོང་ཁྱེར་ཙམ་པ་བསྲུང་བ་བཞག་པ་དེས་
D1.001.0006a07.01