完整藏文原文 · 德格版页 当前仅加载第 1 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པར་ཁས་བླངས་སོ། །དེ་ནས་བཅོམ་ལྡན་འདས་ཀྱིས་དབྱར་ཟླ་བ་གསུམ་འདས་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་ལྷོའི་རི་བོ་དག་ཏུ་ལྗོངས་རྒྱུར་གཤེགས་ཀྱིས། ཁྱེད་ཅག་
D1.001.0070b01.01ལས་གང་དེ་བཞིན་གཤེགས་པ་དང་ཐབས་ཅིག་ལྷོའི་རི་བོ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག །ཅེས་བསྒོ་ཅིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ཀྱི་བཀའ་མཉན་ནས། དགེ་སློང་
D1.001.0070b02.01རྣམས་ལ་ཚེ་དང་ལྡན་པ་དག་དེ་བཞིན་གཤེགས་པ་ལྷོའི་རི་བོ་དག་ཏུ་ལྗོངས་རྒྱུར་གཤེགས་ཀྱིས། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ལྷོའི་རི་བོ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་བ་དང་། དགེ་སློང་གནས་
D1.001.0070b03.01བརྟན་རྣམས་ཀྱིས་སྨྲས་པ། ཚེ་དང་ལྡན་པ་ཀུན་དགའ་བོ་བདག་ཅག་ནི་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་མི་ནུས་སོ། །དེ་ཅིའི་ཕྱིར་ཞེ་ན། བདག་ཅག་རྒས་པའི་ཕྱིར་རོ། །དགེ་སློང་གསར་བུ་རྣམས་ཀྱིས་ཀྱང་སྨྲས་པ། ཚེ་དང་ལྡན་པ་ཀུན་དགའ་བོ་བདག་ཅག་
D1.001.0070b04.01ཀྱང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་མི་ནུས་སོ། །དེ་ཅིའི་ཕྱིར་ཞེ་ན། བདག་ཅག་གསར་བུ་ཡིན་ལ་བདག་ཅག་གི་མཁན་པོ་དང་སློབ་དཔོན་དག་མི་འདོང་བས་བདག་ཅག་གི་མཁན་པོ་དང་སློབ་དཔོན་དག་མི་འདོང་ན་བདག་ཅག་མྱུར་དུ་ལྡོག་པ་དང་། སྐྱེན་པར་ལྡོག་
D1.001.0070b05.01དགོས་པ་དང་། འདི་ལྟ་སྟེ་གནས་བཙལ་བས་ཡང་དང་ཡང་དུ་བཙལ་བར་བྱ་དགོས་པའི་ཕྱིར་རོ། །དེ་ནས་བཅོམ་ལྡན་འདས་དབྱར་ཟླ་བ་གསུམ་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་འཁོར་ཉུང་ཤས་ཤིག་དང་ལྷུང་བཟེད་དང་ཆོས་གོས་བསྣམས་
D1.001.0070b06.01ཏེ་ལྷོའི་རི་བོ་དག་ཏུ་ལྗོངས་རྒྱུར་གཤེགས་སོ། །སངས་རྒྱས་བཅོམ་ལྡན་འདས་ལྗོངས་རྒྱུར་གཤེགས་པ་རྣམས་ཀྱི་ཆོས་ཉིད་ནི་ལ་ལས་ལེགས་པར་མ་སྦྱངས་པ་དང་། ལེགས་པར་མ་བགོས་པ་དང་། ཁུར་ཐོགས་པའམ། གཅིག་ཏུ་མ་གྱུར་ཏམ་སྙམ་པས་སྐུ་ཐམས་ཅད་ཀྱི་གཡས་
D1.001.0070b07.01