完整藏文原文 · 德格版页 当前仅加载第 1 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
ན་བྲན་མོའི་བུ་དག་དབང་ཕྱུག་ལ་དབང་བྱེད་པ་དེ་དག་ལ་ཡོང་ཡང་དེ་ལྟར་འགྱུར་རོ། །ཇི་ཙམ་དུས་གཞན་ཞིག་ན་འབྱོར་ལེན་དང་། འབྱོར་སྐྱོབ་དང་། འབྱོར་དགའ་རྣམས་ལྷན་ཅིག་ཏུ་དགའ་ཞིང་མཐུན་པས་རྒྱ་མཚོ་ཆེན་པོ་ནས་གྲུ་བོ་
D1.001.0299a01.01ཆེ་གྲུབ་སྟེ་འོངས་སོ། །འབྱོར་ལེན་གྱིས་ཆུང་མ་ལ་དྲིས་པ། བཟང་མོ་གང་པོས་ཁྱོད་ལེགས་པར་བསྐྱངས་སམ། དེས་སྨྲས་པ། ཇི་ལྟར་མིང་པོ་འམ། བུས་བགྱི་བ་བཞིན་དུ་ལེགས་པར་བགྱིས་སོ། །གཞན་དག་ལ་ཁྱིམ་ཐབ་དག་དག་གིས་སྨྲས་
D1.001.0299a02.01པ་དང་དེ་དག་གིས་སྨྲས་པ། གང་དག་གིས་ཁྱིམ་ན་བྲན་མོའི་བུ་དབང་ཕྱུག་ལ་དབང་བགྱིད་པ་དེ་དག་ལ་ཡོང་ཡང་དེ་ལྟར་འགྱུར་ལགས་སོ། །དེ་དག་གིས་བསམས་པ། བུད་མེད་དག་ནི་མཛའ་བཤེས་ཀྱི་དབྱེན་དུ་འགྱུར་རོ་སྙམ་མོ། །ཇི་ཙམ་དུས་
D1.001.0299a03.01གཞན་ཞིག་ན་ཀ་ཤི་ཀའི་རས་ཀྱི་ཚོང་ཁང་གི་སྒོ་ཕྱེ་མ་ཐག་ཏུ་འབྱོར་ལེན་གྱི་བུ་འོངས་ནས་གང་པོས་དེ་ལ་ཀ་ཤི་ཀའི་རས་ཡུག་གཅིག་བསྐོན་ནོ། །མནའ་མ་དག་གིས་མཐོང་ནས་སྨྲས་པ། བུ་འདི་སུས་བྱིན། དེས་སྨྲས་པ། ཁུ་གུས་བྱིན་ནོ། །གཞན་དག་
D1.001.0299a04.01གིས་མཐོང་ནས་ཀྱང་རང་རང་གི་བུ་བཏང་བ་དང་། ཀ་ཤི་ཀའི་རས་ཀྱི་ཚོང་ཁང་གི་སྒོ་ནི་བཅད། རས་སྦོམ་པོ་དག་ཡོད་པའི་ཚོང་ཁང་གི་སྒོ་ཕྱེ་བ་ལ་དེ་དག་ཀྱང་མ་སྟེས་ཏེ། ཕྱིན་ནས་དེ་དག་ལ་གང་པོས་རས་སྦོམ་པོ་དག་བསྐོན་ནོ། །དེ་དག་གིས་
D1.001.0299a05.01མཐོང་ནས་ཁྱིམ་ཐབ་དག་ལ་སྨྲས་པ། ཁྱེད་ཅག་གིས་གཟིགས་སམ། ཁ་ཅིག་ལ་ནི་ཀ་ཤི་ཀའི་རས་ཡུག་སྩལ་ལ། ཁ་ཅིག་ལ་ནི་རས་སྦོམ་པོ་དག་གོ། །དེ་དག་གིས་ལན་བཏབ་པ། ཅིག་གདོན་མི་ཟ་བར་འདི་ལྟར་ཀ་ཤི་ཀའི་ཚོང་ཁང་གི་རས་
D1.001.0299a06.01ཀྱི་སྒོ་ནི་བཅད་ལ། རས་སྦོམ་པོའི་སྒོ་བྱེ་བ་ལ་བབ་པ་ཞིག་མ་ཡིན་གྲང་། དེ་དག་གིས་སྨྲས་པ། ད་དུང་ཡང་བརྟག་པར་བགྱིའོ། །ཇི་ཙམ་དུས་གཞན་ཞིག་ན་ཤ་ཁ་རའི་ཚོང་ཁང་གི་སྒོ་ཕྱེ་བ་ན་འབྱོར་ལེན་གྱི་བུ་འོངས་ནས་དེས་ཤ་ཁ་ར་ཕོར་བུ་གང་
D1.001.0299a07.01