完整藏文原文 · 德格版页 当前仅加载第 1 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་སྟོབས་ཀྱི་སྡེས་གནས་པའི་གྲོང་དུ་དྲིལ་བསྒྲགས་ནས། གནས་པའི་གྲོང་ན་གནས་པའི་ཤེས་ལྡན་ཚོང་པ་དག་ཉོན་ཅིག །གྲོ་བཞིན་སྐྱེས་རྣ་བ་བྱེ་བ་རི་རྒྱ་མཚོ་ཆེན་པོར་འཇུག་པར་འགྱུར་གྱིས། ཤེས་ལྡན་ཁྱེད་ལས་གང་ཞིག་གྲོ་
D1.001.0254a01.01བཞིན་སྐྱེས་རྣ་བ་བྱེ་བ་རི་དང་ལྷན་ཅིག་ཤོ་གམ་མེད་པ་དང་། བསེལ་བའི་རྔན་པ་མི་དགོས་པ་དང་། གྲུ་བཙས་མི་དགོས་པར་རྒྱ་མཚོ་ཆེན་པོར་འཇུག་པར་སྤྲོ་བ་དེ་དག་རྒྱ་མཚོ་ཆེན་པོར་འགྲོ་བའི་ཟོང་སྡོགས་ཤིག །ཚོང་པ་ལྔ་བརྒྱས་རྒྱ་མཚོ་ཆེན་པོར་འཇུག་པའི་ཟོང་
D1.001.0254a02.01སྟ་གོན་བྱས་སོ། །ཁྱིམ་བདག་སྟོབས་ཀྱི་སྡེས་ཚོང་པ་ལྔ་བརྒྱ་པོ་རང་གི་ཁྱིམ་དུ་མགྲོན་དུ་བོས་ཏེ་ཟས་བྱིན་ནས་སྨྲས་པ། ཤེས་ལྡན་ཚོང་པ་དག་ཉོན་ཅིག །གྲོ་བཞིན་སྐྱེས་རྣ་བ་བྱེ་བ་རི་ཇི་ལྟར་བདག་གི་བུ་ཡིན་པ་དེ་བཞིན་དུ་ཁྱེད་ཀྱི་ཡང་ཡིན་གྱིས་འདི་ལ་
D1.001.0254a03.01ཁྱེད་རྣམས་ཀྱིས་གནོད་པ་སྤང་བར་བྱ་ཞིང་ཕན་པ་ལ་སྦྱར་བར་བྱའོ། །དཔོན་པོ་བཀའ་བཞིན་འཚལ་ཞེས་ཚོང་པ་རྣམས་ཀྱིས་ཁྱིམ་བདག་སྟོབས་ཀྱི་སྡེའི་ལྟར་མཉན་ཏོ། །དེ་ནས་ཁྱིམ་བདག་སྟོབས་ཀྱི་སྡེས་གྲོ་བཞིན་སྐྱེས་རྣ་བ་བྱེ་བ་རི་ལ་འདི་སྐད་ཅེས་སྨྲས་སོ། །
D1.001.0254a04.01བུ་ཁྱོད་ཀྱིས་ཇི་ལྟར་ང་ལས་ཚིག་མཉན་པར་བྱ་ཞིང་བསྒྲུབ་པར་བྱ་བར་སེམས་པ་དེ་བཞིན་དུ་ཚོང་པ་ལྔ་བརྒྱ་པོ་འདི་རྣམས་ཀྱི་ཡང་མཉན་པར་བྱ་ཞིང་བསྒྲུབ་པར་སོམས་ཤིག །ཁྱིམ་བདག་སྟོབས་ཀྱི་སྡེས་བསམས་པ། གྲོ་བཞིན་སྐྱེས་རྣ་བ་བྱེ་བ་རི་བཞོན་པ་ཅི་
D1.001.0254a05.01འདྲ་བ་ཞིག་གིས་གཏང་སྙམ་མོ། །དེས་བསམས་པ། གལ་ཏེ་གླང་པོ་ཆེའི་བཞོན་པས་འགྲོ་ན་ནི་དེ་ཤིན་ཏུ་བསྐྱང་དཀའ་ཞིང་དགང་དཀའོ། །རྟ་ཡང་བསྐྱང་དཀའ་ལ་དགང་དཀའོ། །བོང་བུ་ནི་གསོ་སླ་ཞིང་དྲན་པ་དང་ལྡན་པས་བོང་བུའི་བཞོན་པས་བཏང་ངོ་། །
D1.001.0254a06.01སྙམ་ནས་དེས་དེ་ལ་སྨྲས་པ། བུ་གྲོགས་ཀྱི་ཐོག་མ་དང་ཐ་མ་ནས་མ་འགྲོ་ཞིག །གལ་ཏེ་ཆོམ་རྐུན་པ་མཐུ་དང་ལྡན་པར་གྱུར་ན་ནི་འགྲོན་པའི་ཐོག་མ་ནས་འཇོམས་སོ། །གལ་ཏེ་མཐུ་ཆུང་བར་གྱུར་ན་ནི་ཐ་མ་ནས་འཇོམས་ཀྱིས་ཁྱོད་ཚོང་པའི་དབུས་ནས་འགྲོ་
D1.001.0254a07.01