完整藏文原文 · 德格版页 当前仅加载第 1 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་ཅི་འདོད་པ་གསོལ་ཅིག་དང་སྦྱིན་ནོ། །ལྷ་གལ་ཏེ་ཐུགས་དང་འཐད་པར་གྱུར་ན་ལྷའི་ཡུལ་དུ་སུས་ཀྱང་མི་གཙེ་བར་མཆིས་པར་གསོལ། རྒྱལ་པོས་བློན་པོ་རྣམས་ལ་བསྒོ་བ་ཤེས་ལྡན་དག་དེང་ཕྱིན་ཆད་ཁྱེད་ཀྱིས་གཞོན་ནུ་རྣམས་ལ་བསྒོ་བར་བྱའི།
D1.001.0301b01.01གང་པོ་ལ་ནི་མ་ཡིན་ནོ། །ཇི་ཙམ་ན་ཚོང་པ་ལྔ་བརྒྱ་ཙམ་པ་རྒྱ་མཚོ་ཆེན་པོའི་གྲུ་བོ་ཆེ་གྲུབ་ནས་གྲོང་ཁྱེར་སློ་མ་ལྟ་བུར་ལྷགས་སོ། །ཚོང་པའི་ཚོགས་ཀྱིས་ནང་ཁྲིམས་སུ་བཅས་པ། བདག་ཅག་སུས་ཀྱང་གཅིག་པུ་ཚོགས་ལས་གར་ཏེ་ཚོང་པའི་དྲུང་
D1.001.0301b02.01དུ་འགྲོ་བར་མི་བྱའོ། །གལ་ཏེ་སོང་ན་དེ་ལ་ཀཱར་ཥཱ་པ་ཎ་དྲུག་བཅུ་དབབ་བོ། །བྲུངས་ཀྱང་ཚོགས་ཏེ་བླང་བར་བྱའོ་ཞེས་བཅས་སོ། །ཁ་ཅིག་གིས་སྨྲས་པ། གང་པོ་ཡང་སྦྲན་པ་སྙམ། ཁ་ཅིག་གིས་སྨྲས་པ། བཀྲེན་པ་དེ་ལ་སྦྲན་ན་ཅི་ཡོད། དེའི་
D1.001.0301b03.01ཚེ་གང་པོ་ཕྱིར་བྱུང་བ་ན། དེས་ཚོང་པ་ལྔ་བརྒྱ་ཙམ་རྒྱ་མཚོ་ཆེན་པོ་ནས་གྲུ་བོ་ཆེ་གྲུབ་ནས་གྲོང་ཁྱེར་སློ་མ་ལྟ་བུར་ཕྱིན་ནོ་ཞེས་ཐོས་ནས། དེ་གྲོང་ཁྱེར་དུ་མ་ཞུགས་པ་ཉིད་དུ་དེ་དག་གི་དྲུང་དུ་སོང་སྟེ་དྲིས་པ། ཤེས་ལྡན་དག་རྫས་འདི་དག་ཅི་ཡིན། དེ་
D1.001.0301b04.01རྣམས་ཀྱིས་སྨྲས་པ། འདི་དང་འདི་དག་ཡིན་ནོ། །རིན་ཇི་ཙམ། དེད་དཔོན་གར་ཕྱིན་ཡང་ཁྱོད་ཁོ་ན་དྲི་བར་བས་སོ། །དེས་སྨྲས་པ། གལ་ཏེ་དེ་ལྟ་ཡིན་ཡང་འོན་ཀྱང་རིན་ཐང་སྨོས་ཤིག །དེ་དག་གིས་གསེར་ས་ཡ་དང་བརྒྱད་འབུམ་དུ་རིན་བཏབ་
D1.001.0301b05.01བོ། །དེས་སྨྲས་པ། ཤེས་ལྡན་དག་ཐག་བཅད་པའི་གསེར་སུམ་འབུམ་ཁྱེར་ཅིག །ཟོང་འདི་དག་ནི་ཁོ་བོའི་ཡིན་ནོ། །ལྷག་མ་ནི་ནང་དུ་ཕྱིན་ནས་སྦྱིན་ནོ། །དེ་བཞིན་དུ་བགྱིའོ་ཞེས་པ་དང་། དེས་གསེར་སུམ་འབུམ་ཡང་བླངས་ནས་ཐག་གཅད་
D1.001.0301b06.01པའི་ཕྱིར་བྱིན། རང་གིས་རྒྱས་ཀྱང་བཏབ་སྟེ་སོང་ངོ་། །དེ་ནས་ཚོང་པའི་ཚོགས་ཀྱིས་ཚོང་པའི་གཡོག་གིས་མི་དག་རྫས་ཅི་ཡོད་ལྟོས་ཤིག་ཅེས་མངགས་ནས་དེ་དག་སོང་སྟེ་དྲིས་པ། རྫས་འདི་དག་ཅི་ཡིན། འདི་དང་འདི་དག་ཡིན་ནོ། །བདག་ཅག་
D1.001.0301b07.01