完整藏文原文 · 德格版页 当前仅加载第 1 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། གྲོ་བཞིན་སྐྱེས་བྱེ་བ་ཉི་ཤུ་པ་ལ་བལྟོས་ནས་དགེ་འདུན་ཐམས་ཅད་ཀྱིས་རིམ་གཅིག་པའི་མཆིལ་ལྷམ་བཅང་བར་བྱ་སྟེ། རིམ་གཉིས་པ་མ་ཡིན་ཞེས་རྒྱས་པར་སྦྱར་
D1.001.0274a01.01རོ། །བཅོམ་ལྡན་འདས་ཀྱི་སྤྱན་སྔ་ན་རྒན་ཞུགས་མཆིལ་ལྷམ་ཅན་གཞན་ཞིག་འཆག་པར་བྱེད་པ་དང་། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་ཕར་སོང་ངའི་སྤྱན་སྔ་ན་མ་འདུག་ཅིག །དེ་ནས་བཅོམ་ལྡན་འདས་ཀྱིས་དགེ་
D1.001.0274a02.01སློང་རྣམས་ལ་བཀའ་སྩལ་པ། དགེ་སློང་དག་རེ་ཞིག་འཇིག་རྟེན་ཐམས་ཅད་ཀྱི་ཟང་ཟིང་དང་འདྲེས་པའི་སྟོན་པ་གང་ཡིན་པ། སྟོན་པ་དེའི་ཉན་ཐོས་རྣམས་ཀྱང་འདི་ལྟར་མྱུར་བ་མྱུར་བར་ལྟུང་བར་འགྱུར་བའི་བརྟུལ་ཞུགས་མི་སྤྱོད་ན། ང་འཇིག་རྟེན་ཐམས་ཅད་ཀྱི་ཟང་ཟིང་དང་བྲལ་
D1.001.0274a03.01བར་གནས་པའི་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཅི་བྱུང་བ་དེ་ནི་དགེ་སློང་དག་མཆིལ་ལྷམ་འཆང་པ་ཡིན་ཏེ། དེ་ལྟ་བས་ན་དགེ་སློང་གིས་མཆིལ་ལྷམ་བཅང་བར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་མཆིལ་ལྷམ་
D1.001.0274a04.01བཅང་བར་མི་བྱའོ་ཞེས་གསུངས་པ་དང་། གར་མཁན་གཞན་ཞིག་རབ་ཏུ་བྱུང་བ་དེའི་ཆུ་སྣོད་ཆག་ནས་དེ་རྐང་པ་བཀྲུ་བའི་གནས་སུ་རྐང་པ་བཀྲུས་ནས་ཁའི་ནང་ཆུས་བཀང་སྟེ། རྨ་བྱའི་འགྲོས་སུ་སོང་བ་དེ་དྲུག་སྡེ་རྣམས་ཀྱིས་མཐོང་ནས་དེ་རྣམས་ཀྱིས་སྨྲས་པ། ཚེ་དང་ལྡན་པ་
D1.001.0274a05.01དག་རོལ་མོའི་སྒྲ་མེད་པར་དགེ་སློང་གར་བྱེད་ཀྱིས་རོལ་མོའི་སྒྲ་བྱའོ་ཞེས་དེ་རྣམས་ཀྱིས་ཁས་རོལ་མོའི་སྒྲ་བྱ་བར་བརྩམས་སོ། །དེ་རྣམས་ལ་དགེ་སློང་དག་གིས་སྨྲས་པ། ཚེ་དང་ལྡན་པ་དག་ཅི་མ་གྲངས་པ་བྱེད་དམ། དེ་རྣམས་ཀྱིས་སྨྲས་པ། འདི་ལ་མ་གྲངས་སུ་ཅི་
D1.001.0274a06.01ཞིག་ཡོད་ཁྱེད་ཀྱིས་རོལ་མོའི་སྒྲ་མེད་པར་དགེ་སློང་གར་བྱེད་པ་མཐོང་ངམ་ཞེས་བྱ་བའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་རྣམས་ནི་མཁྱེན་དུ་རྨེད་པ་ཡིན་པས་མཁྱེན་བཞིན་དུ་རྨེད་དེ། སངས་རྒྱས་བཅོམ་ལྡན་འདས་
D1.001.0274a07.01