完整藏文原文 · 德格版页 当前仅加载第 1 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
བར་དུ་ཆོས་བསྒྲག་པར་བྱའོ། །དེའི་འོག་ཏུ་ས་ཕྱོགས་མཐོན་པོ་ཞིག་ཏུ་འདུག་ལ་ཕྱོགས་བཞིར་བལྟ་བར་བྱའོ། །དེར་གལ་ཏེ་དགེ་སློང་ཡོངས་སུ་དག་པ་ལྟ་བ་མཐུན་པ་དག་ཅིག་འོང་ན། དེ་དག་ལ་ཚེ་དང་ལྡན་པ་དག་མྱུར་བ་མྱུར་བར་ཚུར་སྤྱོན། དེང་དགེ་འདུན་གྱི་དགག་དབྱེ་
D1.001.0226b01.01བཅོ་ལྔ་པ་ལགས་ཀྱིས་ཁྱེད་དང་ལྷན་ཅིག་འཁོད་ལ་དགག་དབྱེ་བྱའོ་ཞེས་སྨྲོས་ཤིག །གལ་ཏེ་དེ་ལྟར་གྲུབ་ན་ལེགས། ཅི་སྟེ་དེ་ལྟར་མ་གྲུབ་ན་དགེ་སློང་དེས་རང་གི་སྟན་ལ་འདུག་ལ་སེམས་འདི་ལྟར་བསྐྱེད་ཅིང་ཚིག་ཏུ་བརྗོད་དེ། དེང་དགེ་འདུན་གྱི་དགག་དབྱེ་བཅོ་ལྔ་པ་
D1.001.0226b02.01ལགས་ལ། དགེ་སློང་མིང་འདི་ཞེས་བགྱི་བའི་དགག་དབྱེ་ཡང་བཅོ་ལྔ་པ་ལགས་ན། བདག་དགེ་སློང་མིང་འདི་ཞེས་བགྱི་བའི་དགག་དབྱེ་བྱིན་གྱིས་བརླབ་བོ། །གང་གི་ཚེ་དགེ་འདུན་ཚོགས་པ་རྙེད་པ་དེའི་ཚེ་དགེ་འདུན་ཚོགས་པ་དང་ལྷན་ཅིག་དགག་དབྱེ་བགྱིའོ་ཞེས་ལན་
D1.001.0226b03.01གཉིས་ལན་གསུམ་དུ་བྱིན་གྱིས་བརླབ་པར་བྱའོ། །གང་ན་དགེ་སློང་གཉིས་གནས་པ་དེར་ཡང་{གོ་རིམས་,གོ་རིམ་}ནི་འདི་ཉིད་ཀྱིས་གཅིག་ལ་གཅིག་བརྗོད་པར་བྱའོ། །གང་ན་དགེ་སློང་གསུམ་གནས་པ་དེར་ཡང་{གོ་རིམས་,གོ་རིམ་}ནི་འདི་ཉིད་ཀྱིས་ཕན་ཚུན་བརྗོད་པར་བྱའོ། །གང་ན་དགེ་
D1.001.0226b04.01སློང་བཞི་གནས་པར་ནི་དེ་དག་གིས་གསོལ་བ་བྱས་ལ་དགག་དབྱེ་བྱའོ། །དགག་དབྱེ་བྱེད་པའི་དགེ་སློང་ནི་བསྐོ་བར་མི་བྱའོ། །གང་ན་དགེ་སློང་ལྔ་གནས་པར་ནི་དེ་དག་གིས་གསོལ་བ་བྱས་ལ་དགག་དབྱེ་བྱའོ། །དགག་དབྱེ་བྱེད་པའི་དགེ་སློང་བསྐོ་བར་བྱའོ། །ནད་
D1.001.0226b05.01པའི་དགག་དབྱེ་ནི་བླང་བར་མི་བྱའོ། །གང་ན་དགེ་སློང་དྲུག་གམ་ལྷག་པ་དག་གནས་པར་ནི་དེ་དག་གིས་གསོལ་བ་བྱས་ལ་དགག་དབྱེ་བྱའོ། །དགག་དབྱེ་བྱེད་པའི་དགེ་སློང་བསྐོ་བར་བྱའོ། །ནད་པའི་དགག་དབྱེ་ཡང་བླང་བར་བྱའོ།། །།བར་སྡོམ་ལ། གནས་པར་དམ་ནི་
D1.001.0226b06.01བཅའ་བ་ལ། །ཆོས་མ་ཡིན་པ་གཞག་པ་དང་། །ཚིག་གཅིག་པ་ཡི་དགག་དབྱེ་དང་། །གང་ཕྱིར་ཚིག་གཅིག་བྱ་བའོ། །དགག་དབྱེ་གཞག་པ་ཆོས་དང་མཐུན་པ་གཅིག་དང་ཆོས་དང་མི་མཐུན་པ་གཅིག་དང་། དགག་དབྱེ་གཞག་པ་ཆོས་དང་མཐུན་པ་གསུམ་དང་།
D1.001.0226b07.01