完整藏文原文 · 德格版页 当前仅加载第 1 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱིས་འཇིག་རྟེན་ཕ་རོལ་ནས་སླར་འོངས་པ་འགའ་མཐོང་བ་ཡོད་དམ། བཞིན་{བཟངས་,བཟང་}བདག་དེར་སོན་ཏོ། །དེ་ཡིད་མ་ཆེས་པ་དང་བཞིན་{བཟངས་,བཟང་}ཅི་སྟེ་ཡིད་མི་ཆེས་ན་དེ་ན་རེ་ཁྱོད་ཀྱི་ཕའི་རལ་གྲིས་བསད་པའི་འོག་ན་གསེར་ཕྱེ་མ་བུམ་
D1.001.0262a01.01པ་གང་བཞག་གིས་དེ་ཕྱུང་ལ་བདག་ཉིད་ལ་ཡུན་དུ་བདེ་བས་ཚིམ་པར་བྱ་བ་དང་། དུས་དུས་སུ་འཕགས་པ་ཀཱ་ཏྱཱ་ཡ་ན་ཆེན་པོ་ལ་བསོད་སྙོམས་ཕུལ་ལ། བདག་ཅག་གི་མིང་ནས་ཕྱུང་སྟེ་ཡོན་བསྔོ་བ་བྱོས་ཤིག་དང་། དེས་ན་ལས་དེ་བསྲབས་པ་དང་།
D1.001.0262a02.01ཡོངས་སུ་ཟད་པ་དང་། གཏུགས་པར་འགྱུར་རོ་ཞེས་ཟེར་རོ། །དེས་བསམས་པ། བདག་གིས་སྔོན་ཆད་ནི་དེ་ལྟ་བུ་ལན་འགའ་ཡང་མ་ཐོས་ན་རེ་ཞིག་བལྟས་ཏེ་གལ་ཏེ་བྱུང་བར་གྱུར་ན་ཟེར་བ་དེ་ཐམས་ཅད་བདེན་ནོ་སྙམ་ནས། དེས་སོང་སྟེ་བརྐོས་ནས་ཇི་
D1.001.0262a03.01ཙམ་ན་མཐོང་བ་དང་དེ་ཐམས་ཅད་དེ་ཁོ་ན་བཞིན་དུ་གྱུར་ཏེ། དེས་ཡིད་ཆེས་པར་གྱུར་ཏོ། །དེའི་འོག་ཏུ་བྱི་བོ་བྱེད་པ་དེའི་དྲུང་དུ་སོང་སྟེ་སོན་ནས་སྨྲས་པ། བཞིན་{བཟངས་,བཟང་}ཁྱོད་ཀྱི་ཕ་ངས་མཐོང་སྟེ། དེ་ན་རེ་ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་
D1.001.0262a04.01བ་ཡིན་གྱིས་དམ་པ་ཡིན་པའི་ཆོས་སྡིག་པ་སྤོང་ཤིག་ཅེས་ཟེར་རོ་དེས་སྨྲས་པ། ཀྱེ་ནང་རྗེ་བདག་གི་ཕ་ཤི་ནས་དེང་དུ་ལོ་བཅུ་གཉིས་ལོན་ན་ཁྱོད་ཀྱིས་འཇིག་རྟེན་ཕ་རོལ་ནས་འོངས་པ་འགའ་མཐོང་བ་ཡོད་དམ། བཞིན་{བཟངས་,བཟང་}བདག་དེར་སོན་ཏོ། །དེ་ཡིད་མ་
D1.001.0262a05.01ཆེས་ཏེ་དེས་སྨྲས་པ། བཞིན་{བཟངས་,བཟང་}གལ་ཏེ་ཡིད་མི་ཆེས་ན་ཕ་ན་རེ་ཁྱོད་ཀྱི་ཕའི་མེ་ཐབ་ཀྱི་འོག་ན་གསེར་ཕྱེ་བུམ་པ་གང་བཞག་གིས་དེ་ཕྱུང་ལ་བདག་ཉིད་ཡུན་དུ་བདེ་བས་ཚིམ་པར་བྱ་བ་དང་། དུས་དུས་སུ་འཕགས་པ་ཀཱ་ཏྱཱ་ཡ་ན་ཆེན་པོ་ལ་བསོད་སྙོམས་
D1.001.0262a06.01ཕུལ་ལ་བདག་ཅག་གི་མིང་ནས་ཕྱུང་སྟེ་ཡོན་བསྔོ་བ་བྱོས་ཤིག་དང་། དེས་ན་ལས་དེ་བསྲབས་པ་དང་། ཡོངས་སུ་ཟད་པ་དང་། གཏུགས་པར་འགྱུར་རོ་ཞེས་དེ་སྐད་ཟེར་རོ། །དེས་བསམས་པ། བདག་གིས་དེ་སྐད་སྔོན་ཆད་ནི་ལན་འགའ་ཡང་མ་ཐོས་
D1.001.0262a07.01