完整藏文原文 · 德格版页 当前仅加载第 1 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་གྱི་གནས་བརྟན་དུ་གྱུར་ཏོ་སྙམ་ནས་རངས་ཤིང་མགུ་བ་དང་མཆོག་ཏུ་དགའ་བར་གྱུར་ཏམ་ཞེས་སྨྲས་སོ། །དེས་སྐབས་དེ་དགེ་འདུན་གྱི་ནང་དུ་དེ་ལ་རྒྱ་ཆེར་བརྗོད་པ་དང་དེ་ཡང་ཡི་རངས་ཤིང་དགེ་སློང་རྣམས་ཀྱང་ཀྱེ་མ་སངས་རྒྱས། ཀྱེ་མ་ཆོས། ཀྱེ་མ་དགེ་འདུན། ཀྱེ་མ་ཆོས་
D1.001.0127b01.01ཀྱི་ལེགས་པར་གསུངས་པ་ཉིད། འདི་ལྟར་སྡིག་པ་བྱེད་པ། ལོག་པར་ལྟུང་བར་སོང་བ་དེ་ལྟ་བུ་དག་གིས་ཀྱང་ཡོན་ཏན་གྱི་ཚོགས་དེ་ལྟ་བུ་ཐོབ་བོ་ཞེས་ཆེད་དུ་བརྗོད་པ་ཆེད་དུ་བརྗོད་དོ།། །།སྡོམ་ལ། དགྲ་བཅོམ་བསད་དང་དགེ་འདུན་དབྱེན། །ངན་སེམས་ཀྱིས་ནི་ཁྲག་ཕྱུང་དང་། །ཕམ་པར་འགྱུར་བ་བཞི་པོ་
D1.001.0127b02.01དང་། །གནས་ནས་དབྱུང་བ་གསུམ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་ལྟང་བྲང་གི་ཚལ་གསེབ་ཏུ་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་
D1.001.0127b03.01ལྷ་བརྒྱད་ཁྲི་དང་། མ་ག་དྷཱའི་བྲམ་ཟེ་དང་ཁྱིམ་བདག་འབུམ་ཕྲག་དུ་མ་དག་དང་ལྷན་ཅིག་བདེན་པ་དག་ལ་བཀོད་པ་ན། དེས་རང་གི་ཡུལ་དུ་དྲིལ་བསྒྲགས་པ་བྱེད་དུ་བཅུག་སྟེ། ངའི་ཡུལ་དུ་སུས་ཀྱང་ཆོམ་རྐུན་མི་བྱའོ། །གང་ཞིག་བྱེད་པ་ན་ངས་དེ་ཡུལ་མེད་པར་བྱ་ཞིང་སྐྱིན་པ་
D1.001.0127b04.01ནི་ང་ཉིད་ཀྱི་མཛོད་དང་བང་བ་ནས་སྦྱིན་པར་བྱའོ་ཞེས་བསྒོའོ། །གང་གི་ཚེ་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་གཞོན་ནུའི་དཔེའི་མདོ་སྡེས་བཏུལ་བ་དེའི་ཚེ་ན་དེས་ཀྱང་དྲིལ་བསྒྲགས་པ་བྱེད་དུ་བཅུག་སྟེ། ངའི་ཡུལ་དུ་སུས་ཀྱང་ཆོམ་རྐུན་མི་བྱའོ། །གང་ཞིག་བྱེད་ན་དེ་
D1.001.0127b05.01གསད་པའི་གྱོད་ལ་བསྐྲིན་ཅིང་སྐྱིན་པ་ནི་ང་ཉིད་ཀྱི་མཛོད་དང་བང་བ་ནས་སྦྱིན་པར་བྱའོ་ཞེས་བསྒོ་བ་དང་། དེ་ནས་ཡུལ་མ་ག་དྷཱའི་ཆོམ་རྐུན་པ་གང་དག་ཡིན་པ་དང་། ཡུལ་ཀོ་ས་ལའི་ཆོམ་རྐུན་པ་གང་ཡིན་པ་དེ་དག་ས་མཚམས་ཀྱི་བར་དུ་དོང་སྟེ། འཁོད་ནས་ཡུལ་མ་ག་དྷཱ་ནས་དོན་མཐུན་
D1.001.0127b06.01འོང་བ་གང་ཡིན་པ་དེ་ཡང་འཇོམས་པར་བྱེད་དོ། །ཡུལ་ཀོ་ས་ལ་ནས་དོན་མཐུན་འོང་བ་གང་ཡིན་པ་དེ་ཡང་འཇོམས་པར་བྱེད་དོ། །ཇི་ཙམ་དུས་གཞན་ཞིག་ན་དོན་མཐུན་བསེལ་བ་དང་བཅས་པ་ཡུལ་མ་ག་དྷཱ་ནས་ཡུལ་ཀོ་ས་ལར་འཕགས་པ་དང་། གང་གི་ཚེ་ས་མཚམས་
D1.001.0127b07.01