完整藏文原文 · 德格版页 当前仅加载第 1 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སྒོར་འོངས་ནས་འདི་སྐད་ཅེས་འཕགས་པ་ཞེས་བྱ་བའི་བར་སྔ་མ་བཞིན་ཏེ། འཕགས་པ་ཆེ་གེ་མོ་ཞེས་བྱ་བས་ཉེས་པ་འདི་དང་འདི་དག་བྱས་སོ་ཞེས་སྨོས་པ་སྟེ། འདི་ལྟ་བུ་ནི་གང་ཟག་དང་དངོས་པོ་ཤེས་པ་ཡིན་ནོ། །གང་ཟག་དང་དངོས་པོ་མི་ཤེས་པ་ཇི་ལྟ་བུ་ཞེ་ན།
D1.001.0237b01.01རྣམ་པ་འདི་དག་མ་གཏོགས་པའོ། །དགག་དབྱེའི་གཞི་རྫོགས་{སྷོ,སོ}།། །།དབྱར་གནས་ཀྱི་གཞིའི་བསྡུས་པའི་སྡོམ་ལ། དབྱར་གནས་པ་དང་ཟས་དང་ནི། །དབྱར་རལ་བ་དང་ལྔ་པོ་དང་། །སྨིག་དང་ལོ་མ་རྩྭ་མཆིལ་ལྷམ། །དབྱར་དང་ཀོ་ལྤགས་བཞི་དག་གོ། །
D1.001.0237b02.01སྡོམ་ལ། དབྱར་གནས་རྗེས་སུ་གནང་བ་དང་། །འཆར་ཀར་འགྲོ་བ་དག་དང་ནི། །བྱ་བ་ལ་ནི་ཞག་བདུན་དང་། །འགྲོ་བྱ་ཅི་ཞིག་བྱ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་
D1.001.0237b03.01བཞུགས་པར་ཞལ་གྱིས་བཞེས་སོ། །དེའི་ཚེ་དགེ་སློང་དག་དབྱར་གྱི་ནང་ལོགས་སུ་ལྗོངས་རྒྱུ་ཞིང་དོང་ངོ་། །དེ་དག་དབྱར་གྱི་ནང་ལོགས་སུ་ལྗོངས་རྒྱུ་ཞིང་དོང་བ་དག་མི་སྦེད་ཅིང་མ་བསྲུངས་ལ་མ་སྦས་པར་གྱུར་པ་དག་ལ་མུ་སྟེགས་ཅན་རྣམས་ཤེས་ལྡན་དག་ཤཱཀྱའི་
D1.001.0237b04.01བུའི་དགེ་སྦྱོང་འདི་དག་ནི་སྲོག་གཅོད་པ་ཡིན་ཏེ། སྲོག་གཅོད་པ་ལས་མ་ལོག །རྣམ་པར་མ་ལོག །ཕྱིར་མ་ལོག་པ་འདི་དག་དབྱར་གྱི་ནང་ལོགས་སུ་ལྗོངས་རྒྱུ་ཞིང་འདོང་སྟེ། དབྱར་གྱི་ནང་ལོགས་སུ་ལྗོངས་རྒྱུ་ཞིང་འདོང་བ་ན་སྲོག་ཆགས་ཕྲ་མོ་དང་ཤིན་ཏུ་ཕྲ་མོ་མང་
D1.001.0237b05.01པོའི་ཚོགས་རྣམས་བརྫིས་ནས་སྲོག་དང་བྲལ་བར་བྱས་སོ། །རེ་ཞིག་བྱེའུ་ཁུག་རྟ་ཡང་དབྱར་ཟླ་བ་བཞི་རང་གི་ཚང་ན་ཞུམ་ཞུམ་པོར་བྱས། ཀུན་ཏུ་ཞུམ་ཞུམ་པོར་བྱས་ནས་བསྐུམས་ཤིང་བསྐུམས་ནས་འདུག་ན། དགེ་སྦྱོང་མགོ་རེག་འདི་དག་ནི་ཁས་ལེན་པ་ཙམ་ཡང་
D1.001.0237b06.01མི་ཤེས་ན། དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་དེ་ལ་བྱ་བར་སེམས་པ་ལྟ་སུ་ཞིག་ཡོད་ཅེས་སྨོད་པར་བྱེད། འཕྱ་བར་བྱེད། ཁ་ཟེར་བར་བྱེད་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་
D1.001.0237b07.01