完整藏文原文 · 德格版页 当前仅加载第 1 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་{བཅྭ་,བཅོ་}ལྔ་པ་དེ་ཉིད་ལ་དགེ་སློང་གཉུག་མར་གནས་པ་བཞིའམ་ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང་། གློ་བུར་དུ་འོངས་པའི་རྟགས་
D1.001.0204a01.01དང་། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང་། ཆོས་གོས་དང་། ཁར་བ་དང་། གཏུར་བུ་དང་། རིལ་བ་སྤྱི་བླུགས་དང་། འབྲུ་མར་སྣོད་དང་། ཞྭ་དང་། ལྷམ་སྒྲོ་གུ་ཅན་དང་། མཆིལ་ལྷམ་དག་མཐོང་ན་དེ་དག་འདི་སྙམ་དུ་སེམས་ཏེ།
D1.001.0204a02.01དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་མ་རྙེད་
D1.001.0204a03.01ན། དེ་དག་གིས་གསོལ་བ་བྱས་ཏེ་གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་
D1.001.0204a04.01པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་{བཅྭ་,བཅོ་}ལྔ་པ་དེ་ཉིད་ལ་དགེ་སློང་གཉུག་མར་གནས་པ་བཞིའམ་ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་
D1.001.0204a05.01པ་དང་། གློ་བུར་དུ་འོངས་པའི་རྟགས་དང་། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང་། ཆོས་གོས་དང་། ཁར་བ་དང་། གཏུར་བུ་དང་། རིལ་བ་སྤྱི་བླུགས་དང་། འབྲུ་མར་སྣོད་དང་། ཞྭ་དང་། ལྷམ་སྒྲོ་གུ་ཅན་དང་།
D1.001.0204a06.01མཆིལ་ལྷམ་དག་མཐོང་ན་དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་
D1.001.0204a07.01