完整藏文原文 · 德格版页 当前仅加载第 1 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
ཉེ་བར་ཞི་བར་བྱེད་པས་ནམ་རིང་ཞིག་ཟད་དེ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། དགེ་འདུན་གྱི་ནང་དུ་རྩོད་པའི་ཆོས་བཞི་ལས་རྩོད་པ་གང་ཡང་རུང་བ་ཞིག་བྱུང་བར་གྱུར་ཏེ། དགེ་
D1.001.0229a01.01སློང་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་འདི་དག་གིས་རྩོད་པ་དེ་རྩོད་པ་ཞི་བར་བྱེད་པའི་ཆོས་བདུན་གྱིས་དུལ་བར་བྱེད། ཞི་བར་བྱེད། ཉེ་བར་ཞི་བར་བྱེད་པས་མཚན་རིང་ཞིག་ཟད་པས། གལ་ཏེ་བདག་གིས་དགག་དབྱེ་ལན་གསུམ་བཟླས་
D1.001.0229a02.01པས་དགག་དབྱེ་བྱས་ན་བདག་གིས་སྐྱ་རེངས་མ་ཤར་བར་དགག་དབྱེ་བྱ་མི་ནུས་པས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་
D1.001.0229a03.01བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི་འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་རྒྱལ་པོ་དཔུང་གི་ཚོགས་ཡན་ལག་བཞི་པ་གོ་བསྐོན་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་
D1.001.0229a04.01ཚོགས་དང་། ཀུན་དགའ་ར་བའི་སྒོའི་བར་དུ་ལྷགས་ཏེ། སྤར་ཐབས་སུ་སྐུར་པ་སྒྲོགས་ཤིང་། ཤེས་ལྡན་དག་ཤཱཀྱའི་སྲས་ཀྱི་དགེ་སྦྱོང་རྣམས་ཟུང་ཤིག །སོད་ཅིག །ཆིངས་ཤིག །སྤྱུགས་ཤིག །ངའི་གླང་པོ་ཆེ་འཚོ་བ་དང་། རྟ་རྫི་དང་། ཤིང་རྟ་སྲུང་བ་
D1.001.0229a05.01དང་། སོ་ཕག་སྐྱེད་པ་དང་། རྒྱལ་མཚན་ཐོགས་པ་དང་། འཕན་{རིངས་,རིང་}འཛིན་པ་སོ་སོར་རྒྱལ་པོའི་བྱ་བ་དང་། རྒྱལ་པོའི་བྱེད་པ་རྣམས་བྱེད་པར་འགྱུར་རོ། །ཞེས་ཟེར་ལ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་
D1.001.0229a06.01བཅོ་ལྔ་པ་ཡིན་ལ། རྒྱལ་པོའི་དཔུང་གི་ཚོགས་ཡན་ལག་བཞི་པ་གོ་བསྐོན་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་དང་། ཀུན་དགའ་ར་བའི་སྒོའི་བར་དུ་ལྷགས་ཏེ་སྤར་ཐབས་སུ་སྐུར་པ་སྒྲོགས་ཤིང་། ཁྱེད་ཀྱིས་
D1.001.0229a07.01