完整藏文原文 · 德格版页 当前仅加载第 1 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དང་རྒྱལ་པོ་ཀྲྀ་ཀཱིས་དེའི་མཆོད་རྟེན་རིན་པོ་ཆེ་སྣ་བཞི་ལས་ཁོ་ར་ཁོར་ཡུག་ཏུ་དཔག་ཚད་གང་ཙམ་ལ་འཕང་དུ་དཔག་ཚད་ཕྱེད་པ་ཞིག་བྱེད་དུ་བཅུག་ནས། དེ་ཞིག་ཅིང་
D1.001.0267a01.01གོགས་པ་སླར་བཅོས་པའི་ཕྱིར་གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་དཔྱ་འདུ་བ་གང་ཡིན་པ་དེ་དག་དེས་མཆོད་རྟེན་དེ་ལ་ཕུལ་ལོ། །གང་གི་ཚེ་རྒྱལ་པོ་ཀྲྀ་ཀཱི་ཤི་ནས་དེའི་བུ་ལེགས་སྐྱེས་ཞེས་བྱ་བ་དེ་རྒྱལ་སྲིད་ལ་བཞག་པ་དང་དེའི་བློན་པོ་དག་གིས་དཔྱ་ཉུང་
D1.001.0267a02.01ཤས་ཤིག་ཕུལ་ལོ། །དེས་བློན་པོ་རྣམས་ལ་སྨྲས་པ། ཅིའི་ཕྱིར་ཁྱེད་ཀྱིས་ང་ལ་དཔྱ་ཉུང་ངུ་ཞིག་ཕུལ། ངའི་ཡུལ་ནས་དཔྱ་མི་འདུ་འམ་ཞེས་སྨྲས་པ་དང་། དེ་དག་གིས་སྨྲས་པ། ལྷ་དཔྱ་དེ་ལས་འདུ་བ་གང་ལ་མཆིས། ལྷ་གྲོང་ཁྱེར་གྱི་ཤར་
D1.001.0267a03.01ཕྱོགས་ཀྱི་སྒོ་ནས་དཔྱ་འདུ་བ་གང་ལགས་པ་དེ་དག་ནི་རྒྱལ་པོ་ཡབ་ཀྱི་མཆོད་རྟེན་ཞིག་ཅིང་གོགས་པ་སླར་བཅོས་པའི་རྒྱུར་གཞག་གོ། །གལ་ཏེ་ལྷས་གནང་ན་དཔྱ་དེ་བདག་ཅག་གིས་དགུམ་མོ། །དེས་སྨྲས་པ། ཤེས་ལྡན་ངའི་ཡབ་ཀྱིས་གང་མཛད་པ་དེ་ནི་
D1.001.0267a04.01ཚངས་པས་བྱས་པའོ། །དེ་ནི་བརྒྱ་བྱིན་གྱིས་བྱས་པའོ། །དེ་དག་གིས་བསམས་པ། གལ་ཏེ་ལྷས་གནང་ན་བདག་ཅག་གིས་ཅི་ནས་དཔྱ་དེ་དག་རང་འདུ་བར་མི་འགྱུར་བ་དེ་ལྟར་བྱའོ་སྙམ་ནས། དེ་དག་གིས་སྒོ་བཅད་དེ་བཞག་པས་ཕྱིན་ཆད་དཔྱ་འདུ་བ་ཆད་དོ། །
D1.001.0267a05.01མཆོད་རྟེན་དེ་ཡང་ཞིག་ཅིང་གོགས་པར་གྱུར་པ་དང་། ཁྱོ་ཤུག་དེ་གཉིས་རྒས་པར་གྱུར་པ་ནས་མཆོད་རྟེན་དེ་ཉིད་ལ་བྱི་དོར་བྱེད་ཅིང་འདུག་གོ། །བྱང་ཕྱོགས་ནས་དེད་དཔོན་ཞིག་ཟོང་ཐོགས་ཏེ་བཱ་རཱ་ཎ་སཱིའི་གྲོང་དུ་ཕྱིན་པ་དང་། དེས་མཆོད་རྟེན་ཞིག་ཅིང་
D1.001.0267a06.01གོགས་པར་གྱུར་པ་དེ་མཐོང་ངོ་། །དེས་མཐོང་ནས་ཡབ་ཡུམ་མཆོད་རྟེན་འདི་སུའི་ལགས་ཞེས་དྲིས་སོ། །དེ་གཉིས་ཀྱིས་སྨྲས་པ། ཡང་དག་པར་རྫོགས་པའི་སངས་རྒྱས་འོད་སྲུང་གི་ཡིན་ནོ། །སུས་བགྱིས་པ། རྒྱལ་པོ་ཀྲྀ་ཀཱིས་སོ། །རྒྱལ་པོ་ཀྲྀ་ཀཱི་
D1.001.0267a07.01