完整藏文原文 · 德格版页 当前仅加载第 1 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ནས་ཧ་ཅང་ཐག་མི་རིང་བའི་བསྟི་གནས་ཤིག་ན་དྲང་སྲོང་བྱམས་པའི་བདག་ཉིད་ཅན། སྙིང་རྗེ་དང་
D1.001.0045a01.01ལྡན་པ། སེམས་ཅན་ཐམས་ཅད་ལ་བྱམས་པ་ཞིག་འདུག་གོ། །ཇི་ཙམ་ན་མི་དབུལ་པོ་ཞིག་ཤིང་ཁུར་ཐོགས་ཏེ་བསྟི་གནས་དེར་སོང་ནས་ཤིང་ཁུར་ཕོག་སྟེ་ངལ་སོ་ཞིང་འདུག་པ་དྲང་སྲོང་དེས་མཐོང་ནས། དེ་དེ་ལ་སྙིང་རྗེ་སྐྱེས་ཏེ་ཉོན་མོངས་པ་འདི་སྔོན་གྱི་ལས་ཀྱི་ཉེས་པས་མིར་སྐྱེས་
D1.001.0045a02.01ཀྱང་ཚེགས་ཆེན་པོས་འཚོ་བ་སྦྱོར་བར་བྱེད་ཀྱིས། བདག་གིས་འདི་རབ་ཏུ་འབྱུང་ངོ་སྙམ་ནས་སྨྲས་པ། བུ་ཁྱོད་སུ་ཞིག་ཡིན། དེས་སྨྲས་པ། འཕགས་པ་བདག་ནི་མི་དབུལ་པོ་ཤིང་གིས་འཚོ་བ་སྦྱོར་བ་ཞིག་ལགས་སོ། །དྲང་སྲོང་གིས་སྨྲས་པ། བུ་འོ་ན་ཁྱོད་ཅིའི་ཕྱིར་རབ་ཏུ་མི་
D1.001.0045a03.01འབྱུང་། དེས་སྨྲས་པ། འཕགས་པ་བདག་ནི་མི་དབུལ་པོ་ཞིག་སྟེ་ཤིང་བཙོངས་ཤིང་བཙོངས་ནས་ཚེགས་ཆེན་པོས་འཚོ་བ་སྐྱོང་བར་བགྱིད་པ་ལགས་ན། སུ་ཞིག་གིས་བདག་རབ་ཏུ་འབྱིན་པར་འགྱུར། དེ་ནས་དྲང་སྲོང་དེ་བྱམས་པའི་བདག་ཉིད་ཅན་ཡིན་པའི་ཕྱིར་ཤིན་ཏུ་སྙིང་
D1.001.0045a04.01རྗེ་སྐྱེས་ནས་དེས་དེ་ལ་སྨྲས་པ། བུ་ཁྱོད་རབ་ཏུ་འབྱུང་བར་འདོད་དམ། དེས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་གྱིས་ཐུགས་བརྩེ་བའི་སླད་དུ་བདག་རབ་ཏུ་དབྱུང་དུ་གསོལ། དྲང་སྲོང་དེས་དེ་རབ་ཏུ་ཕྱུང་ནས་ལྷུང་བཟེད་དང་ཆོས་གོས་དག་ཀྱང་བཀྲུས་ཤིང་ཁ་
D1.001.0045a05.01བསྒྱུར་ཏེ་བྱིན་ནས་སྨྲས་པ། བཞིན་{བཟངས་,བཟང་}གལ་ཏེ་ཁྱོད་ཀྱིས་ཡོན་ཏན་གྱི་ཚོགས་ཅུང་ཟད་ཐོབ་ན་ཁོ་བོ་ལ་རྗོད་ཅིག །དེས་དེ་ལ་དེ་བཞིན་དུ་བགྱིའོ་ཞེས་ཁས་བླངས་སོ། །དེ་ཕྱོགས་གཅིག་ཏུ་སོང་ནས་མཁན་པོ་མེད་པ་དང་སློབ་དཔོན་མེད་པར་བྱང་ཆུབ་ཀྱི་ཕྱོགས་དང་མཐུན་
D1.001.0045a06.01པའི་ཆོས་སུམ་བཅུ་རྩ་བདུན་བསྐྱེད་ནས་རང་བྱང་ཆུབ་མངོན་སུམ་དུ་བྱས་སོ། །དེས་བསམས་པ། བདག་གིས་དྲང་སྲོང་དེ་ལ་ཁས་བླངས་པས་སོང་ལ་དེ་ལ་ཉེ་བར་བསྟན་པར་བྱའོ་སྙམ་མོ། །བདག་ཉིད་ཆེན་པོ་དེ་དག་ནི་ལུས་ཀྱིས་ཆོས་སྟོན་གྱི་ཚིག་གིས་མི་སྟོན་པས་དེ་དེ་ལ་རྗེས་སུ་སྙིང་བརྩེ་
D1.001.0045a07.01