完整藏文原文 · 德格版页 当前仅加载第 1 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
མཚམས་ཀྱི་ནང་དུའོ། །ཀུན་དགའ་བོ་མཚམས་(གྱི་,ཀྱི་)ནང་དུ་བཙོས་ལ་མཚམས་ཀྱི་ནང་དུ་ཞག་ཀྱང་ལོན་པ་ལོངས་སྤྱད་པར་མི་བྱའོ། །མཚམས་ཀྱི་ནང་དུ་བཙོས་ལ་མཚམས་ཀྱི་ཕྱི་རོལ་དུ་ཞག་ལོན་པ་ཡང་ལོངས་སྤྱད་པར་མི་བྱའོ། །མཚམས་ཀྱི་ཕྱི་རོལ་དུ་བཙོས་ལ་མཚམས་
D1.001.0294b01.01ཀྱི་ནང་དུ་ཞག་ལོན་པ་ཡང་ལོངས་སྤྱད་པར་མི་བྱའོ། །མཚམས་ཀྱི་ཕྱི་རོལ་དུ་བཙོས་ལ་མཚམས་ཀྱི་ཕྱི་རོལ་དུ་ཞག་ལོན་ན་ལོངས་སྤྱད་པར་བྱའོ། །ཀུན་དགའ་བོ་མཚམས་ཀྱི་ནང་ཡང་རུང་མཚམས་ཀྱི་ཕྱི་རོལ་ཡང་རུང་སྟེ་དགེ་སློང་གིས་བཙོས་པ་ནི་ཐམས་ཅད་ཀྱི་ཐམས་ཅད་
D1.001.0294b02.01དུ་ལོངས་སྤྱད་པར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་བཙོས་པ་ཐམས་ཅད་ཀྱི་ཐམས་ཅད་དུ་ལོངས་སྤྱད་པར་མི་བྱའོ་ཞེས་གསུངས་པ་དང་། མཉན་ཡོད་ན་ཁྱིམ་བདག་གཞན་ཞིག་ཡོད་པ་དེ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་
D1.001.0294b03.01ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་བཅོམ་ལྡན་འདས་ཀྱིས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་
D1.001.0294b04.01པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཞེས་བྱ་བ་ནས། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་དུའོ། །དེ་ནས་ཁྱིམ་བདག་དེ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་
D1.001.0294b05.01གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ་
D1.001.0294b06.01ཞེས་བྱ་བ་ནས་རྒྱས་པར་སྦྱར་ཏེ། ཇི་ཙམ་ན་སྤྱན་འདྲེན་གྱིས་དུས་ཚོད་གསོལ་བ། བཙུན་པ་གདུགས་ཚོད་ལགས་ན། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་དགེ་སློང་གི་དགེ་འདུན་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་
D1.001.0294b07.01