完整藏文原文 · 德格版页 当前仅加载第 1 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཐོག་མ་ཉིད་དུ་རུལ་པ་སྦེད་པ་ནི་སྐྱེས་བུ་གཏི་མུག་ཉེ་དགའ་ཡིན་པར་རིག་པར་བྱའོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་ཁྲི་སྟན་མཐོན་པོ་དང་ཁྲི་སྟན་ཆེན་པོ་ལ་ཉལ་བ་ཡིན་ནོ། །དེ་ལྟ་བས་ན་དགེ་སློང་
D1.001.0269a01.01གིས་ཁྲི་སྟན་མཐོན་པོ་དང་ཁྲི་སྟན་ཆེན་པོ་ལ་འདུག་པར་མི་བྱའོ། །འདུག་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཁྲི་སྟན་མཐོན་པོ་དང་སྟན་ཆེན་པོ་ལ་འདུག་པར་མི་བྱའོ་ཞེས་གསུངས་པ་དང་། ཁྱིམ་བདག་གཞན་ཞིག་གིས་སངས་རྒྱས་ལ་
D1.001.0269a02.01སོགས་པ་དགེ་སློང་གི་དགེ་འདུན་ཁྱིམ་དུ་སྤྱན་དྲངས་ཏེ། དེས་ཁྲི་སྟན་མཐོན་པོ་དག་བཤམས་པར་བརྩམས་སོ། །ཚེ་དང་ལྡན་པ་ཀུན་དགའ་བོ་སྔོན་རོལ་ཉིད་དུ་སོན་པ་དང་། དེས་སྟན་མཐོན་པོ་དག་ཤོམ་པ་དེ་མཐོང་ནས་དེས་དེ་ལ་སྨྲས་པ། ཁྱིམ་བདག་སྟན་འདི་དག་
D1.001.0269a03.01ནི་དགེ་སློང་དང་འཚམ་པ་མ་ཡིན་གྱིས་སྡུས་ཤིག །དེས་དེ་དག་བསྡུ་བར་བརྩམས་པ་ན་བཅོམ་ལྡན་འདས་ཀྱང་དེར་གཤེགས་སོ། །སངས་རྒྱས་བཅོམ་ལྡན་འདས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་
D1.001.0269a04.01ལ་རྨས་པ། ཀུན་དགའ་བོ་འདི་ཅི་ཞིག་བྱེད། བཅོམ་ལྡན་འདས་ཁྱིམ་བདག་འདིས་ཆེན་པོ་ལ་འོས་པའི་གདན་དག་ཤོམ་ནས་བདག་གིས་ཁྱིམ་བདག་སྟན་འདི་དག་ནི་དགེ་སློང་དང་འཚམ་པ་མ་ཡིན་གྱིས་འདི་དག་སྡུས་ཤིག་ཅེས་བསྒོ་བ་དང་དེ་དག་སྡུད་པ་ལགས་
D1.001.0269a05.01སོ། །ཀུན་དགའ་བོ་ཐམས་ཅད་ལ་འབྱོར་པ་ཡོད་པ་མ་ཡིན་གྱིས། ཀུན་དགའ་བོ་ཁྱིམ་བདག་སྟན་ཤོམ་པ་མ་ཟློག་ཤིག །དེ་ལྟ་བས་ན་རྗེས་སུ་གནང་སྟེ། ཁྱིམ་དུ་ཁྲི་སྟན་མཐོན་པོ་ལ་འདུག་པར་བྱའི་དེར་ཉལ་བར་མི་བྱའོ། །གཙུག་ལག་ཁང་དུ་ནི་འདུག་པར་མི་
D1.001.0269a06.01བྱའོ། །ཉལ་བར་ཡང་མི་བྱ་སྟེ། འདུག་གམ་ཉལ་ན་ཡང་འགལ་ཚབས་ཅན་དུ་འགྱུར་རོ། །ལྷོ་ཕྱོགས་ནས་དགེ་སློང་ཆོས་གོས་གསུམ་པ་གཞན་ཞིག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཉན་ཡོད་དུ་འོངས་པ་དང་། དེའི་པགས་པའི་གདིང་བ་བཟང་པོ་དེ་
D1.001.0269a07.01