完整藏文原文 · 德格版页 当前仅加载第 1 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
ཟིན་གྱིས་བགོའོ། །དེས་སྨྲས་པ། གལ་ཏེ་དེ་ལྟར་ན་གཟུ་བོ་མི་ལྔ་ཞིག་བོས་ཤིག །དེ་གཉིས་ཀྱིས་སྨྲས་པ། བདག་ཅག་གིས་སྔ་མོ་ཞིག་ཏུ་བགོས་ཟིན་ན་གཟུ་བོ་མི་ལྔ་ཅི་དགོས་ཀྱིས་གཅིག་གིས་ནི་ཁྱིམ་ན་ཡོད་
D1.001.0300a01.01པ་དང་ཞིང་ན་ཡོད་པ་དག་གོ། །གཅིག་གིས་ནི་ཚོང་ཁང་ན་ཡོད་པ་དང་ཡུལ་གྱི་མཐའ་ན་ཡོད་པའོ། །གཅིག་གིས་ནི་གང་པོའོ། །དེས་སྨྲས་པ། ཅི་གང་པོའི་སྐལ་བ་མི་སྦྱིན་ནམ། དེ་གཉིས་ཀྱིས་སྨྲས་པ། བྲན་མོའི་བུ་དེ་ལ་བགོ་སྐལ་
D1.001.0300a02.01སུས་སྦྱིན། དེར་མ་བས་ཀྱིས་དེ་ཉིད་བདག་ཅག་གིས་བགོའོ། །གལ་ཏེ་ཁྱོད་བཞེད་ན་ཁྱོད་ཉིད་སྣོམས་ཤིག །དེས་བསམས་པ། ཕ་ན་རེ་བདག་ལ་ཁྱོད་ཀྱིས་བདོག་པ་ཐམས་ཅད་ཡོངས་སུ་བཏང་ཡང་གང་པོ་གཏང་བར་མི་བྱའོ་ཞེས་བསྒོ་
D1.001.0300a03.01བས་གང་པོ་བླང་བར་བྱའོ་སྙམ་དུ་བསམས་ནས་སྨྲས་པ། གལ་ཏེ་དེ་ལྟ་ན་གང་པོ་ནི་ཁོ་བོས་བཀུར་རོ། །ཁྱིམ་ན་ཡོད་པ་དང་། ཞིང་ན་ཡོད་པ་དབང་བ་གང་ཡིན་པ་དེ་ནི་རིངས་པར་ཁྱིམ་དུ་སོང་ནས་སྨྲས་པ། མནའ་མཐུ་མོ་ཕྱུང་ཤིག །དེ་ཕྱིར་
D1.001.0300a04.01བྱུང་བ་དང་སླར་ཡང་མ་འཇུག་ཤིག །ཅིའི་ཕྱིར། བདག་ཅག་གིས་ཁྱིམ་དུ་གཏོགས་པ་བགོས་ཟིན་ཏོ། །ཚོང་ཁང་ན་ཡོད་པ་དང་། ཡུལ་གཞན་ན་ཡོད་པ་དབང་བ་གང་ཡིན་པ་དེ་ཡང་དེ་མ་ཐག་ཏུ་ཚོང་ཁང་དུ་སོང་ནས་སྨྲས་པ། གང་པོ་མར་
D1.001.0300a05.01བོབས་ཤིག །དེས་བབས་པ་དང་། ད་ཕན་ཆད་མ་འཛེག་ཤིག །ཅིའི་ཕྱིར། བདག་ཅག་གིས་ཁྱིམ་བགོས་ཏེ། ཡུལ་གཞན་ན་ཡོད་པ་དང་ཚོང་ཁང་ན་ཡོད་པ་ནི་བདག་གི་ཡིན་ནོ། །དེས་སྨྲས་པ། བདག་གི་བགོ་སྐལ་བྱིན་ཅིག །
D1.001.0300a06.01དེས་སྨྲས་པ། ཁྱོད་བྲན་མོའི་བུ་ཡིན་ན་ཁྱོད་ལ་ཅིའི་ཕྱིར་བགོ་སྐལ་བྱིན། དེར་མ་ཟད་ཁྱོད་ཉིད་ཁོ་བོ་ཅག་གིས་བགོས་ཏེ་ཕུ་བོ་ཆེན་པོས་ཐོབ་བོ། །འབྱོར་ལེན་གྱི་ཆུང་མ་གང་པོ་དང་ལྷན་ཅིག་འགྲོགས་ཏེ་གཉེན་ཞིག་གི་ཁྱིམ་དུ་དོང་བ་ན་བུས་པ་བཀྲེས་
D1.001.0300a07.01