完整藏文原文 · 德格版页 当前仅加载第 1 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་པ། མཛེས་པ། གསལ་བ། གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཇར་བ། སྣའི་གཟངས་མཐོ་བ་ཞིག་བཙས་སོ། །བཙས་ནས་དེའི་ཉེ་དུ་དག་འདུས་ཤིང་
D1.001.0101a01.01ལྷགས་ནས་དེ་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུ་མིང་ཅིར་གདགས་ཞེས་མིང་འདོགས་པར་བྱེད་དོ། །གཞན་དག་གིས་སྨྲས་པ། ཁྱེའུ་འདི་སངས་རྒྱས་འཚོའི་བུ་ཡིན་པས་ཁྱེའུ་འི་མིང་དགེ་འདུན་འཚོར་གདགས་སོ་ཞེས་དེའི་
D1.001.0101a02.01མིང་དགེ་འདུན་འཚོ་ཞེས་བྱ་བར་བཏགས་སོ། །དེ་དག་གིས་ཁྱེའུ་དགེ་འདུན་འཚོ་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་གུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་
D1.001.0101a03.01མྱུར་དུ་སྐྱེད་པར་བྱེད་དོ། །གང་ཁོ་ནའི་ཉིན་མོ་དགེ་འདུན་འཚོ་བཙས་པ་དེ་ཁོ་ནའི་ཉིན་མོ་ཚོང་པ་ལྔ་བརྒྱ་དག་གི་བུ་དག་ཀྱང་བཙས་ཏེ། དེ་དག་ཀྱང་རིགས་དང་མཐུན་པའི་མིང་དག་བཏགས་སོ། །གང་གི་ཚེ་ཁྱེའུ་དགེ་འདུན་འཚོ་ཆེན་པོར་གྱུར་པ་དེའི་ཚེ་ན་ཚེ་དང་ལྡན་པ་ཤཱ་
D1.001.0101a04.01རིའི་བུས་དེ་རབ་ཏུ་དབྱུང་བའི་དུས་ཤེས་ནས་གདུལ་བ་ལ་ལྟོས་པས་ཕྱི་བཞིན་འབྲང་བའི་དགེ་སྦྱོང་མེད་པར་གཅིག་པུ་དེའི་ཁྱིམ་དུ་སོང་བ་དང་ཁྱིམ་བདག་སངས་རྒྱས་འཚོས་རྐང་པ་ལ་ཕྱག་འཚལ་ཏེ་སྟན་བཏིང་བ་དང་ཚེ་དང་ལྡན་པ་ཤཱ་རིའི་བུ་འདུག་གོ། །འདུག་ནས་ཀྱང་ཁྱིམ་
D1.001.0101a05.01བདག་སངས་རྒྱས་འཚོ་ལ་བརྡ་བྱ་བར་བརྩམས་སོ། །དེ་ནས་ཁྱིམ་བདག་སངས་རྒྱས་འཚོས་དགེ་འདུན་འཚོ་ལ་སྨྲས་པ། བུ་ཁོ་བོས་ཁྱོད་མའི་རུམ་ན་འདུག་ཅིང་མ་བཙས་པ་ཉིད་ནས་འཕགས་པ་ཤཱ་རིའི་བུ་ལ་ཕྱི་བཞིན་འབྲང་བའི་དགེ་སྦྱོང་དུ་ཕུལ་གྱིས་ཁྱོད་སོང་ལ་འདི་ལ་
D1.001.0101a06.01བསྙེན་བཀུར་གྱིས་ཤིག །དེ་སེམས་ཅན་སྲིད་པ་ཐ་མ་པ་ཡིན་པས་འཛུམ་སྔོན་དུ་བཏང་སྟེ། འཇིགས་པ་མེད་ཅིང་བཞིན་ཉམས་པ་མེད་པ་དང་། དམན་པ་མེད་པས་དེ་ལྟར་བགྱིའོ་ཞེས་ཁས་བླངས་ནས་དེ་ཚེ་དང་ལྡན་པ་ཤཱ་རིའི་བུའི་ཕྱི་བཞིན་ཕྱི་བཞིན་རྗེས་སུ་འབྲང་ངོ་། །དེ་ནས་
D1.001.0101a07.01