完整藏文原文 · 德格版页 当前仅加载第 1 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་མཆོད་རྟེན་དེ་ཞིག་པ་དང་གོགས་པ་སླར་བཅོས་པའི་ཕྱིར་ཕུལ་བ་ཅུང་ཟད་མེད་དམ། དེ་གཉིས་ཀྱིས་སྨྲས་པ། ཕུལ་བ་ཡོད་དེ་གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་དཔྱ་འདུ་བ་གང་དག་མཆོད་རྟེན་དེ་ཞིག་པ་དང་གོགས་པ་བཅོས་པའི་ཕྱིར་ཕུལ་བ་ལས་རྒྱལ་
D1.001.0267b01.01པོ་ཀྲྀ་ཀཱི་ནོངས་ནས་དེའི་སྲས་ལེགས་སྐྱེས་ཞེས་བྱ་བ་དེ་རྒྱལ་སྲིད་ལ་བཞག་ནས་དེས་དཔྱ་འདུ་བ་དེ་བཅད་པས་མཆོད་རྟེན་དེ་ཞིག་ཅིང་གོགས་པར་གྱུར་ཏོ། །དེས་རིན་པོ་ཆེས་སྤྲས་པའི་རྣ་ཆ་རྣ་བ་ལས་བཀྲོལ་ནས་དེས་དེ་གཉིས་ལ་བྱིན་ཏེ་སྨྲས་པ། ཡབ་ཡུམ་
D1.001.0267b02.01རིན་པོ་ཆེའི་རྣ་ཆ་འདིས་མཆོད་རྟེན་འདི་ཞིག་ཅིང་གོགས་པ་རྣམས་ཆོས་ཤིག །བདག་ནམ་ཟོང་རྣམས་འགྱུར་ཏེ་འོངས་ནས་ཕྱིས་ཀྱང་སྦྱིན་ནོ། །དེ་གཉིས་ཀྱིས་དེ་བཙོངས་ནས་དེས་མཆོད་རྟེན་དེ་ཞིག་པ་དང་གོགས་པ་སླར་བཅོས་ཏེ་ཁ་ཅིག་ནི་ལྷག་གོ། །དེ་
D1.001.0267b03.01ནས་དུས་ཕྱི་ཞིག་ན་དེད་དཔོན་གྱིས་ཟོང་བསྒྱུར་ནས་སྤོགས་ཁྱེར་ཏེ་འོངས་སོ། །དེས་མཆོད་རྟེན་དེ་ལྟ་བས་མི་ངོམས་པ་ཞིག་ཏུ་མཐོང་ངོ་། །མཐོང་ནས་ཀྱང་དེ་ཕྱིར་ཞིང་རབ་ཏུ་དགའ་བ་དང་། དང་བ་སྐྱེས་ཏེ་དྲིས་པ། ཡབ་ཡུམ་ཁྱེད་ཀྱིས་སྐྱིན་པོ་ཅུང་ཟད་
D1.001.0267b04.01མ་བྱས་སམ། དེ་གཉིས་ཀྱིས་སྨྲས་པ། བུ་བདག་ཅག་གིས་སྐྱིན་པོ་ཅུང་ཟད་ཀྱང་མ་བྱས་ཏེ། འོན་ཀྱང་ལྷག་པ་ཡང་ཡོད་དོ། །དེ་རབ་ཏུ་དང་བ་སྐྱེས་ནས་དེ་ལ་ཅི་ལྷག་པ་དང་གཞན་ཡང་ཕུལ་ནས་མཆོད་པ་དང་བཀུར་སྟི་ཆེར་བྱས་ཏེ་དགེ་བའི་རྩ་བ་འདིས་
D1.001.0267b05.01བདག་ཕྱུག་པ་དང་། ནོར་མང་བ་དང་། ལོངས་སྤྱོད་ཆེ་བའི་རིགས་སུ་སྐྱེ་བ་དང་། ཆོས་འདི་ལྟ་བུ་ཐོབ་པ་དང་། སྟོན་པ་འདི་ལྟ་བུ་ཁོ་ན་མཉེས་པར་བྱེད་ཀྱི། མི་མཉེས་པར་མི་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །དགེ་སློང་དག་ཇི་སྙམ་དུ་སེམས།
D1.001.0267b06.01དེད་དཔོན་གང་ཡིན་པ་དེ་ནི་གྲོ་བཞིན་སྐྱེས་རྣ་བ་བྱེ་བ་རི་འདི་ཉིད་ཡིན་ཏེ། འདིས་གང་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་བྱ་བ་བྱས་ཏེ་སྨོན་ལམ་བཏབ་པའི་ལས་དེའི་རྣམ་པར་སྨིན་པས་ཕྱུག་པ་དང་། ནོར་མང་བ་དང་། ལོངས་སྤྱོད་
D1.001.0267b07.01