完整藏文原文 · 德格版页 当前仅加载第 1 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་གྲོ་བཞིན་སྐྱེས་རྣ་བ་བྱེ་བ་རི་ལ་འདི་སྐད་ཅེས་བཀའ་སྩལ་ཏོ། །གྲོ་བཞིན་སྐྱེས་རེ་ཞིག་ངས་ཞུ་བ་འདི་ལུང་བསྟན་པའི་དུས་ལ་མ་བབ་ཀྱིས་དགེ་འདུན་གྱི་ནང་དུ་ཞུ་བ་ཞུས་ཤིག་དང་དེར་ཁྱོད་ཀྱི་ཞུ་བ་ལུང་བསྟན་པའི་དུས་ལ་བབ་བོ། །དེ་ནས་
D1.001.0266a01.01བཅོམ་ལྡན་འདས་ནང་པར་སྔར་བཞེངས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་ཞེས་བྱ་བ་ནས་ཕྱོགས་གཅིག་ཏུ་འདུག་གོ་ཞེས་བྱ་བའི་བར་དུ་སྟེ། གྲོ་བཞིན་སྐྱེས་རྣ་བ་བྱེ་བ་རིས་
D1.001.0266a02.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་རྡོ་ཅན་ཞེས་བགྱི་བའི་ཡུལ་གྱི་མཐའ་ན་གནས་པ་ཞེས་བགྱི་བའི་གྲོང་ན་བཙུན་པ་ཀཱ་ཏྱཱ་ཡ་ན་ཆེན་པོ་མཆིས་པ་དེ་བདག་གི་མཁན་པོ་ལགས་ཏེ། དེ་ཡང་བཅོམ་ལྡན་འདས་ཀྱི་ཞབས་ལ་ཞེས་
D1.001.0266a03.01བྱ་བ་ནས་བདེ་བ་ལ་རེག་པར་སྤྱོད་དམ་ཞེས་བྱ་བའི་བར་དུའོ། །ཞུ་བ་ལྔ་པོ་གོང་དུ་ཇི་སྐད་དུ་སྤང་བའི་ལྟུང་བྱེད་ཀྱི་བར་བརྗོད་པ་ཡང་རྒྱས་པར་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། ཡུལ་མཐའ་འཁོབ་རྣམས་
D1.001.0266a04.01སུ་འདུལ་བ་འཛིན་པ་དང་ལྔའི་ཚོགས་ཀྱིས་བསྙེན་པར་རྫོགས་པ་དང་། རྟག་ཏུ་ཁྲུས་བྱས་པ་དང་། མཆིལ་ལྷམ་རིམ་གཅིག་པ་བཅང་བར་བྱ་སྟེ། རིམ་གཉིས་པ་མ་ཡིན། རིམ་གསུམ་པ་མ་ཡིན་ནོ། །གལ་ཏེ་ཟད་པར་གྱུར་ན་ལྷན་བས་བཏབ་སྟེ་
D1.001.0266a05.01བཅང་བར་བྱའོ། །ཀོ་བ་བཅང་བར་བྱའོ། །དགེ་སློང་གིས་དགེ་སློང་ལ་ཆོས་གོས་བསྐུར་བ་ཚུ་རོལ་ནས་ནི་སྤངས་ལ་དེར་མ་ཕྱིན་ན་གང་ལ་ཡང་སྤང་བའི་ལྟུང་བྱེད་དུ་མི་འགྱུར་རོ། །བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་
D1.001.0266a06.01བཅོམ་ལྡན་འདས་ཀྱིས་ཡུལ་མཐའ་འཁོབ་རྣམས་སུ་འདུལ་བ་འཛིན་པ་དང་ལྔའི་ཚོགས་ཀྱིས་བསྙེན་པར་རྫོགས་པར་བྱའོ་ཞེས་གང་གསུངས་པ་དེ་ལ་དབུས་ནི་གང་ལགས། མཐའ་འཁོབ་ནི་གང་ལགས། ཉེ་བ་འཁོར་ཤར་ཕྱོགས་ན་ལི་ཁ་ར་ཤིང་འཕེལ་
D1.001.0266a07.01