完整藏文原文 · 德格版页 当前仅加载第 1 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ། སྲིང་མོ་བདག་ནི་སྐྱེ་བོ་དག་གིས་དེ་ལྟར་ཤེས་སོ། །དེ་སོང་ནས་དེའི་ཕ་མ་ལ་ཡབ་ཡུམ་གྲོ་བཞིན་སྐྱེས་རྣ་བ་བྱེ་བ་རི་མཆིས་སོ་ཞེས་སྦྲན་པ་ནས་དུ་མ་ཞིག་གིས་སྦྲན་ན་ཡང་དེ་དག་ཡིད་མ་ཆེས་ནས། ཇི་ཙམ་ན་དེ་རང་ཉིད་འོངས་ཏེ་ཡབ་ཡུམ་
D1.001.0263a01.01ཕྱག་འཚལ་ལོ་ཞེས་སྨྲས་པ་དང་། དེ་དབྱིག་གི་ང་རོ་ཅན་ཞིག་པས་དེ་གཉིས་ཀྱིས་སྐད་ལས་ངོ་ཤེས་ནས་དེ་གཉིས་ཀྱིས་དེའི་མགུལ་ནས་འཇུས་ཏེ་ངུ་བར་བརྩམས་པ་དང་། དེ་གཉིས་མཆི་མ་བྱུང་བས་མིག་གི་ལིང་ཏོག་བྱིད་ནས་བལྟ་བར་བརྩམས་སོ། །དེས་
D1.001.0263a02.01སྨྲས་པ། ཡབ་ཡུམ་བདག་ཡང་དག་པར་ཁྱིམ་ནས་ཁྱིམ་མེད་པར་རབ་ཏུ་འབྱུང་གིས་གནང་བར་མཛོད་ཅིག །དེ་གཉིས་ཀྱིས་སྨྲས་པ། བུ་ཁྱོད་ཀྱི་མྱ་ངན་དང་ངུད་མོས་བདག་ཅག་མིག་ལྡོངས་པར་གྱུར་པ་ལས། ད་ཁྱོད་ཉིད་འོངས་ནས་བདག་ཅག་གི་མིག་
D1.001.0263a03.01སོར་ཆུད་ཀྱིས། བདག་ཇི་སྲིད་གསོན་པ་དེ་སྲིད་དུ་རབ་ཏུ་མ་འབྱུང་བར་ནམ་ཤི་བར་གྱུར་པ་དེའི་ཚེ་རབ་ཏུ་བྱུང་ཤིག །དེས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་དྲུང་དུ་ཆོས་མཉན་པས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །ཕ་དང་མ་གཉིས་ཀྱང་
D1.001.0263a04.01སྐྱབས་སུ་འགྲོ་བ་དང་བསླབ་པའི་གཞི་རྣམས་ལ་བཀོད་དོ། །ལུང་བཞིན་རྟོགས་པར་བྱས་ཏེ་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱས་སོ། །ཕ་དང་མ་གཉིས་ཀྱང་བདེན་པ་རྣམས་ལ་བཀོད་དོ། །དུས་གཞན་ཞིག་ན་དེའི་ཕ་དང་མ་ཤི་ནས་དེས་
D1.001.0263a05.01ནོར་དེ་དག་ཕོངས་པ་དང་། མགོན་མེད་པ་དང་། བཀྲེན་པ་དང་། ཉམ་ཐག་པ་རྣམས་ལ་བྱིན་ཏེ། བཀྲེན་པ་ཕལ་མོ་ཆེ་ཞིག་དབུལ་བོར་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་གང་ན་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་རྐང་པ་གཉིས་ལ་
D1.001.0263a06.01མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་གྲོ་བཞིན་སྐྱེས་རྣ་བ་བྱེ་བ་རིས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་ཀཱ་ཏྱཱ་ཡ་ན་ཆེན་པོ་བདག་ལེགས་པར་གསུངས་པའི་ཆོས་འདུལ་བ་ལ་
D1.001.0263a07.01