完整藏文原文 · 德格版页 当前仅加载第 1 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་བྱུང་བ་དང་བསྙེན་པར་རྫོགས་ཏེ་དགེ་སློང་གི་དངོས་པོ་གནང་ན། བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་འཚལ་ལོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་དེ་རབ་ཏུ་ཕྱུང་ངོ་། །དེས་རབ་ཏུ་ཕྱུང་ནས་མ་མོ་རྟོགས་པར་བྱས་ཏེ། ཕྱིར་
D1.001.0263b01.01མི་འོང་བའི་འབྲས་བུ་མངོན་སུམ་དུ་བྱས་སོ། །རྡོ་ཅན་ཞེས་བྱ་བའི་ཡུལ་གྱི་མཐའ་ན་དགེ་སློང་གི་ཚོགས་ཉུང་སྟེ་གྲངས་བཅུར་བསྐང་བ་དཀའ་ནས། དེས་དེ་ཟླ་བ་གསུམ་དུ་དགེ་ཚུལ་དུ་བཞག་གོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་
D1.001.0263b02.01ཀྱི་ཉན་ཐོས་རྣམས་ཀྱི་འདུས་པ་ནི་གཉིས་སུ་འགྱུར་ཏེ། འདུས་པ་ཆེན་པོ་ནི་དབྱར་ཟླ་འབྲིང་པོའི་དབྱར་ཉེ་བར་སྒྲུབ་པ་ལ་གང་ཡིན་པ་དང་། སྟོན་ཟླ་འབྲིང་པོའི་ཉ་ལ་གང་ཡིན་པའོ། །དེ་ལ་གང་དག་དབྱར་ཟླ་འབྲིང་པོའི་དབྱར་ཉེ་བར་སྒྲུབ་པ་ལ་འདུས་པ་དེ་
D1.001.0263b03.01དག་ནི་ཡིད་ལ་བྱེད་པའི་ཁྱད་པར་དེ་དང་དེ་དག་བཟུང་ནས་ཆུབ་པར་བྱས་ཏེ་གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དེ་དང་དེ་རྣམས་སུ་དབྱར་གནས་པར་དམ་འཆའོ། །གང་དག་སྟོན་ཟླ་འབྲིང་པོའི་ཉ་
D1.001.0263b04.01ལ་འདུས་པ་དེ་དག་ནི་ཇི་ལྟར་རྟོགས་པ་དག་སྨྲས་ནས་གོང་མ་དག་འདྲི་བར་བྱེད་དེ། ཉན་ཐོས་ཆེན་པོ་རྣམས་ཀྱི་ཡང་དེ་དང་འདྲའོ། །དེ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་ལྷན་ཅིག་གནས་པ་དང་། ཉེ་གནས་ཀྱི་དགེ་སློང་དག་གིས་ཡིད་ལ་བྱེད་པའི་
D1.001.0263b05.01ཁྱད་པར་དེ་དང་དེ་དག་བཟུང་ནས་ཆུབ་པར་བྱས་ཏེ་གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དེ་དང་དེ་རྣམས་སུ་དབྱར་གནས་པར་དམ་བཅས་སོ། །དེ་དག་གིས་དབྱར་ཟླ་བ་གསུམ་པོ་དག་འདས་ནས་ཆོས་
D1.001.0263b06.01གོས་བྱས་པ་དང་ལྡན་ཆོས་གོས་ཟིན་པ་དང་ལྡན་ནས། ལྷུང་བཟེད་དང་ཆོས་གོས་ཐོགས་ཏེ་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་གང་ན་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་རྐང་པ་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་
D1.001.0263b07.01