完整藏文原文 · 德格版页 当前仅加载第 1 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་ཁྱེད་ཅག་ལྗོངས་སུ་བདེ་བ་ལ་རེག་པར་དབྱར་གནས་པར་དམ་བཅས་སམ། ཁྱེད་ཅག་བསོད་སྙོམས་ཀྱིས་བྲེལ་བར་མ་གྱུར་མོད། བཙུན་པ་མེད་དེ། བདག་ཅག་ལྗོངས་ཤིག་ཏུ་བདེ་བ་ལ་རེག་པར་དབྱར་གནས་པར་དམ་བཅས་ཏེ། བདག་ཅག་བསོད་
D1.001.0222b01.01སྙོམས་ཀྱིས་ཀྱང་བྲེལ་བ་མ་མཆིས་ལགས་སོ། །དགེ་སློང་དག་ཁྱེད་ཅག་ཇི་ལྟ་བུ་ཞིག་ཏུ་ལྗོངས་སུ་བདེ་བ་ལ་རེག་པར་དབྱར་གནས་པར་དམ་བཅས། བསོད་སྙོམས་ཀྱིས་ཀྱང་བྲེལ་བར་མ་གྱུར། བཙུན་པ་འདི་ལ་བདག་ཅག་དགེ་སློང་རབ་ཏུ་མང་པོས་ལྗོངས་ཤིག་
D1.001.0222b02.01ཏུ་ཁྲིམས་སུ་བཅའ་བ་འདི་ལྟ་བུ་དག་བགྱིས་ནས་དབྱར་གནས་པར་དམ་བཅས་ཏེ། ཚེ་དང་ལྡན་པ་དག་བདག་ཅག་གིས་ནང་ན་དགེ་སློང་གང་གིས་ཀྱང་དབྱར་གྱི་ནང་ལོགས་སུ་དགེ་སློང་ལ་ཚུལ་ཁྲིམས་ཉམས་ཤེའམ། ལྟ་བ་ཉམས་ཤེའམ། སྤྱོད་པ་ཉམས་ཤེའམ།
D1.001.0222b03.01འཚོ་བ་ཉམས་ཞེས་གླེང་བར་མི་བྱ། དྲན་པར་མི་བྱའོ། །བདག་ཅག་གི་ནང་ན་གང་གིས་ཆུ་རའི་བུམ་པའམ། ཁྲུས་ཀྱི་བུམ་པ་སྟོང་པ་སྐམ་པོ་ཆུ་མེད་པར་མཐོང་ན། གལ་ཏེ་གཅིག་པུས་ནུས་པར་གྱུར་ན་གཅིག་པུ་དེས་བཀང་ལ་གནས་ཇི་ལྟ་བ་བཞིན་དུ་གཞག་པར་
D1.001.0222b04.01བྱའོ། །གལ་ཏེ་གཅིག་པུས་མི་ནུས་པར་གྱུར་ན་དགེ་སློང་ཅིག་ཤོས་ལ་ལག་བརྡའི་སྒྲ་བྱས་ཏེ། ལག་རུབ་ཀྱིས་གནས་ཇི་ལྟ་བ་བཞིན་དུ་བཞག་ནས་གཅིག་ལ་གཅིག་མི་སྨྲ་བར་ཁ་རོག་སྟེ་འགྲོ་བར་བྱའོ་ཞེས་བཙུན་པ་བདག་ཅག་གིས་ཁྲིམས་སུ་བཅའ་བ་དེ་ལྟ་བུ་དག་
D1.001.0222b05.01བགྱིས་ནས་ལྗོངས་ཤིག་ཏུ་དབྱར་གནས་པར་དམ་བཅས་ཏེ། བཙུན་པ་དེ་ལྟར་ན་བདག་ཅག་ལྗོངས་ཤིག་ཏུ་བདེ་བ་ལ་རེག་པར་དབྱར་གནས་པར་དམ་བཅས་ཤིང་བསོད་སྙོམས་ཀྱིས་ཀྱང་བྲེལ་བར་མ་གྱུར་ལགས་སོ། །སྐྱེས་བུ་གཏི་མུག་ཁྱེད་ཅག་གནས་མལ་ན་དགྲ་
D1.001.0222b06.01དང་ལྷན་ཅིག་གནས་པས་བདེ་བ་ལ་རེག་པར་དབྱར་གནས་པར་དམ་བཅས་སྙམ་སེམས་སམ། སྐྱེས་བུ་གཏི་མུག་དག་འདི་ལྟ་སྟེ་མི་སྨྲ་བ་ནི་མུ་སྟེགས་ཅན་གྱི་རྒྱལ་མཚན་ཡིན་ནོ། །དེ་ལྟ་བས་ན་དགེ་སློང་གིས་མི་སྨྲ་བར་དམ་བཅའ་བར་མི་བྱའོ། །དགེ་སློང་གིས་མི་
D1.001.0222b07.01