完整藏文原文 · 德格版页 当前仅加载第 1 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་ཆེན་ཁྱིམ་དག་ཏུ་སོང་ནས་ཆུང་མ་ལ་སྨྲས་པ། བྲམ་ཟེའི་ཁྱེའུ་ཆེ་གེ་མོ་ཞེས་བྱ་བ་ལ་ཤ་ཁུ་འཐུང་ཤིག་ཅེས་སྨན་པས་བསྟན་གྱིས་དེ་སྦྱོར་ལ་སྐུར་ཅིག །དེས་བུ་མོ་ཞིག་ལ་རིན་བསྐུར་ཏེ་ཚོང་དུས་སུ་བཏང་ངོ་། །དེ་ཉིད་ཀྱི་ཉིན་མོ་རྒྱལ་པོའི་བུ་བཙས་ནས་དེས་
D1.001.0287a01.01དྲིལ་སྒྲོགས་སུ་བཅུག་སྟེ། སུས་ཀྱང་སྲོག་གཅད་པར་མི་བྱའོ། །གང་གིས་སྲོག་བཅད་པར་གྱུར་ན་དེ་ཆད་པས་ཆོད་པར་བཅད་དོ་ཞེས་བསྒོའོ། །དེ་ནས་ཚོང་དུས་སུ་རིན་གྱིས་ཀྱང་ཤ་མ་རྙེད་དོ། །དེ་ནས་བུ་མོ་དེས་དེ་ལྟར་གྱུར་པ་དག་ཁྱིམ་བདག་སྡེ་ཆེན་གྱི་ཆུང་མ་ལ་
D1.001.0287a02.01རྒྱས་པར་སྨྲས་པ་དང་། ཁྱིམ་བདག་སྡེ་ཆེན་གྱི་ཆུང་མས་བསམས་པ། བྲམ་ཟེ་འཁོར་དང་བཅས་པ་འདི་དག་བདག་ཅག་གིས་ཡོ་བྱད་ཐམས་ཅད་བསྟབས་ན། གལ་ཏེ་བྲམ་ཟེའི་ཁྱེའུ་ཞིག་སྨན་མེད་པས་དུས་བྱས་པར་གྱུར་ན་མ་ལེགས་སོ་ཞེས་དེ་སྙམ་དུ་དཔྱད་ན། གྲི་
D1.001.0287a03.01རྣོན་པོ་བླངས་ཏེ་ཁྱིམ་གྱི་ནང་དུ་ཞུགས་ནས་བརླའི་ཤ་ལས་བཅད་དེ་བུ་མོ་ལ་བྱིན་ནས། བུ་ཤ་འདི་ཁུ་བར་བྱོས་ལ་བྲམ་ཟེའི་ཁྱེའུ་ཆེ་གེ་མོ་ཞེས་བྱ་བའི་དྲུང་དུ་ཁྱེར་ཅིག །དེས་ཁྱེར་ནས་བྲམ་ཟེའི་ཁྱེའུ་དེས་ལོངས་སྤྱད་ནས་སོས་པར་གྱུར་ཏོ། །བྲམ་ཟེའི་ཁྱེའུ་དེས་འདི་ལྟར་
D1.001.0287a04.01བདག་ལ་ཁྱིམ་བདག་གི་ཆུང་མ་དེས་རང་གི་ཤས་བསྙེན་བཀུར་བྱས་པར་རིག་ནས་དེ་འདི་སྙམ་དུ་སེམས་ཏེ། བདག་དད་པས་བྱིན་པ་ཡོངས་སུ་ལོངས་སྤྱད་ནས་བདག་གློས་ཕབ་སྟེ་འདུག་པ་ནི་རིགས་པ་མ་ཡིན་གྱིས། མ་ལ་བདག་གིས་མ་ཐོབ་པ་ཐོབ་པར་བྱ་བ་དང་། མ་རྟོགས་
D1.001.0287a05.01པ་རྟོགས་པར་བྱ་བ་དང་། མངོན་སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་བདག་གིས་འབད་པར་བྱའོ་སྙམ་ནས། དེ་ནས་དེ་ཞི་བའི་ཕྱོགས་སུ་སོང་སྟེ་མངོན་པར་ཤེས་པ་ལྔ་མངོན་སུམ་དུ་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་
D1.001.0287a06.01སྡེ་ཆེན་ཞེས་བྱ་བའི་ཆུང་མ་གང་ཡིན་པ་དེ་ནི་ཁྱིམ་བདག་སྡེ་ཆེན་གྱི་ཆུང་མ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་གང་ཡིན་པ་དེ་ནི་དགེ་སློང་འདི་ཉིད་ཡིན་ཏེ་དེའི་ཚེ་ཡང་འདིས་དགེ་སློང་དེ་ལ་རང་གི་ཤས་བསྙེན་བཀུར་བྱས་ཏེ། འདིས་ཀྱང་དེ་ལ་བརྟེན་ནས་མངོན་པར་
D1.001.0287a07.01