完整藏文原文 · 德格版页 当前仅加载第 1 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱའོ། །ལུས་ཀྱི་རྣམ་པར་རིག་བྱེད་དང་། ངག་གི་རྣམ་པར་རིག་བྱེད་ཀྱིས་འབུལ་མི་ནུས་ན་དགེ་འདུན་ཐམས་ཅད་དེར་དོང་བར་བྱའོ། །ཡང་ན་དགེ་སློང་དེ་དགེ་འདུན་གྱིས་ནང་དུ་བླང་བར་བྱའོ། །དགེ་འདུན་ཐམས་ཅད་དེར་མ་དོང་ངམ། དགེ་སློང་དེ་དགེ་འདུན་གྱིས་
D1.001.0225b01.01ནང་དུ་མ་བླངས་ཏེ། མ་ཚོགས་པར་དགག་དབྱེ་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དགག་དབྱེ་འབུལ་བས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །ངས་དགག་དབྱེ་
D1.001.0225b02.01ལེན་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགག་དབྱེ་ལེན་པའི་དགེ་སློང་གིས་དགག་དབྱེ་བླངས་ནས་བརྒྱུག་པར་མི་བྱ། མགྱོགས་པར་མི་བྱ། མཆོང་བར་མི་བྱ། ཕྱི་རོལ་དུ་མཆོང་བར་མི་བྱ། འོབས་ལ་མཆོང་བར་མི་བྱ། བང་རིམ་ལ་མཆོང་བར་
D1.001.0225b03.01མི་བྱ། སྟེང་གི་ནམ་མཁའ་ལ་འདུག་པར་མི་བྱ། མཚམས་ཀྱི་ཕྱི་རོལ་དུ་འགྲོ་བར་མི་བྱ། གོམ་པ་གཅིག་གིས་སྐས་ཀྱི་གདང་བུ་གཉིས་ལ་འཛེག་པར་མི་བྱ། གོམ་པ་གཅིག་གིས་སྐས་ཀྱི་རིམ་པ་གཉིས་ལ་གཟེག་པར་མི་བྱ། གཉིད་ལོག་པར་མི་བྱ། སྙོམས་པར་
D1.001.0225b04.01འཇུག་པར་མི་བྱའོ། །གཉིད་ལོག་གམ། སྙོམས་པར་ཞུགས་ན་རྒྱུ་གཉིས་ཀྱིས་སྨད་པར་འགྱུར་ཏེ། ངོ་ཚ་མེད་པ་གང་ཡིན་པ་དང་། ཁྱད་དུ་བསད་པ་གང་ཡིན་པའོ། །གང་གི་ཚེ་དགེ་འདུན་གྱི་གནས་བརྟན་གྱིས་ཚེ་དང་ལྡན་པ་དག་མ་ལྷགས་པ་རྣམས་ཀྱི་འདུན་པ་དང་ཡོངས་
D1.001.0225b05.01སུ་དག་པ་བརྗོད་ཅིག །བརྗོད་པ་ཡང་རིག་པར་གྱིས་ཤིག་ཅེས་སྨྲས་པ་ན། དེས་དགེ་སློང་དྲུང་ན་འདུག་པའི་འདུན་དུ་འདུག་སྟེ། ཚེ་དང་ལྡན་པ་དགོངས་སུ་གསོལ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་ཞིག་གནས་ཏེ། དེང་
D1.001.0225b06.01དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། དགེ་སློང་དེའི་ཡང་དགག་དབྱེ་བཅོ་ལྔ་པ་ལགས་ཏེ། དགེ་སློང་མིང་འདི་ཞེས་བགྱི་བ་དེ་དགེ་འདུན་བཙུན་པ་རྣམས་ལ་མཐོང་བ་དང་། ཐོས་པ་དང་། དོགས་པའི་གནས་གསུམ་གྱིས་དགག་དབྱེ་བགྱིད་དེ། དགག་དབྱེ་བརྗོད་
D1.001.0225b07.01