完整藏文原文 · 德格版页 当前仅加载第 1 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
པ། དེ་ལྟ་བས་ན་རྗེས་སུ་གནང་སྟེ། དགེ་སློང་གིས་དབྱར་གནས་པར་དམ་བཅའ་བར་བྱའོ། །བཅོམ་ལྡན་འདས་ཀྱིས་དགེ་སློང་གིས་དབྱར་གནས་པར་དམ་བཅའ་བར་བྱའོ་ཞེས་གསུངས་པ་དགེ་སློང་རྣམས་ཀྱིས་ཇི་ལྟར་གནས་པར་དམ་བཅའ་
D1.001.0238a01.01བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་ཀྱི་དབྱར་ཟླ་འབྲིང་པོ་ཚེས་བཅོ་ལྔ་ལ་གཙུག་ལག་ཁང་ཆག་ཆག་བྱའོ། །ཕྱག་དར་བྱའོ། །བའི་ལྕི་བ་སར་པའི་བྱུག་པས་བྱུག་པར་བྱའོ། །གནས་མལ་ཐམས་ཅད་གཅིག་ཏུ་བསག་པར་བྱ་སྟེ།
D1.001.0238a02.01ཆུང་ངུ་ན་རྐང་པ་བཀྲུ་བའི་ཆོལ་ཟངས་ཀྱང་མི་སྦའོ། །དེའི་འོག་ཏུ་གནས་མལ་སྟོབས་པའི་དགེ་སློང་བསྐོ་བར་བྱ་སྟེ། ཆོས་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ལྔ་གང་ཞེ་ན། འདུན་
D1.001.0238a03.01པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བ་དང་། གནས་མལ་བསྟབས་པ་དང་མ་བསྟབས་པ་མི་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་མི་བྱའོ། །
D1.001.0238a04.01བསྐོས་པ་ནི་དབྱུང་བར་བྱའོ། །ཆོས་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང་། ཞེ་སྡང་གིས་མི་འགྲོ་བ་དང་། གཏི་མུག་གིས་མི་འགྲོ་བ་
D1.001.0238a05.01དང་། འཇིགས་པས་མི་འགྲོ་བ་དང་། གནས་མལ་བསྟབས་པ་དང་མ་བསྟབས་པ་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །བསྐོ་བ་ནི་འདི་ལྟར་བྱ་སྟེ། གནས་མལ་
D1.001.0238a06.01བཤམ་པ་བྱས་ལ་གཎྜཱི་བརྡུངས་ཏེ། དགེ་སློང་རྣམས་ལ་དྲིས་པའི་ལན་གྱིས་ཡང་དག་པར་བསྒོ་ལ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང་རེ་ཞིག་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་འདུན་ལ་དབྱར་གྱི་གནས་མལ་སྟོབས་པར་སྤྲོ་འམ།
D1.001.0238a07.01