完整藏文原文 · 德格版页 当前仅加载第 1 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །བརྗོད་པ་ཡང་རིག་པར་བགྱིད་དོ་ཞེས་སྨྲོས་ཤིག །དགག་དབྱེ་ལེན་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་
D1.001.0226a01.01ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་རེ་ཞིག་དགག་དབྱེ་ལེན་པའི་དགེ་སློང་གིས་དགག་དབྱེ་བླངས་ནས་དེ་ཉིད་དུ་གུམ་ན་དགག་དབྱེ་བླངས་པ་ཞེས་བགྱིའམ། མ་བླངས་པ་ཞེས་བགྱི། ཉེ་བ་འཁོར་མ་བླངས་པ་ཞེས་བྱ་སྟེ། ཡང་བླང་བར་བྱའོ། །
D1.001.0226a02.01ཁྱིམ་པ་ཉིད་དུ་དབྱར་གྱིས་འཆེ་འམ། དགེ་སྦྱོང་ཉིད་དུ་གཡར་གྱིས་འཆེ་འམ། མ་ནིང་ཉིད་དམ། ཟ་མ་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་པ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་པ་ཉིད་དམ། དགེ་འདུན་གྱི་
D1.001.0226a03.01དབྱེན་བྱས་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་ཉིད་དམ། མུ་སྟེགས་ཅན་ཉིད་དམ། མུ་སྟེགས་ཅན་ཞུགས་པ་ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་དུ་གནས་པ་ཉིད་དམ། གནས་པར་མི་བགྱི་བ་ཉིད་དུ་གཡར་གྱིས་
D1.001.0226a04.01འཆེ་བས་དགག་དབྱེ་བླངས་པ་ཞེས་བགྱིའམ། མ་བླངས་པ་ཞེས་བགྱི། ཉེ་བ་འཁོར་མ་བླངས་པ་ཞེས་བྱ་སྟེ། ཡང་བླང་བར་བྱའོ། །ཤུལ་ཀར་གུམ་ན་དགག་དབྱེ་བླངས་པ་ཞེས་བགྱིའམ། མ་བླངས་པ་ཞེས་བགྱི། ཉེ་བ་འཁོར་མ་བླངས་པ་ཞེས་བྱ་བས་ཡང་བླང་
D1.001.0226a05.01བར་བྱ་སྟེ། སྔར་གསོ་སྦྱོང་གི་གཞི་ལས་ཇི་སྐད་འབྱུང་བ་དེ་བཞིན་དུ་རྒྱས་པར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་གནས་གང་ཞིག་ན་དགེ་སློང་གཅིག་པུ་ཞིག་གནས་པ་དེས་དགག་དབྱེ་བཅོ་ལྔ་པ་དེ་ཉིད་
D1.001.0226a06.01ལ་ཇི་ལྟར་བསྒྲུབ་པར་བགྱི། ཉེ་བ་འཁོར་དགེ་སློང་དེས་དགག་དབྱེ་བཅོ་ལྔ་པ་དེ་ཉིད་ལ་གཙུག་ལག་ཁང་ཕྱག་དར་བྱ། ཆག་ཆག་བྱ། བའི་ལྕི་བ་སར་པའི་བྱུག་པས་བྱུག་པར་བྱའོ། །སེང་གེའི་ཁྲི་བཤམ་པར་བྱའོ། །སྟན་དག་གདིང་བར་བྱའོ། །ཇི་ཙམ་ནུས་ཀྱི་
D1.001.0226a07.01