完整藏文原文 · 德格版页 当前仅加载第 1 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེད་ཅག་གིས་ལྷམ་ཡུའུ་ཐུང་མ་བཅངས་སམ། བཅོམ་ལྡན་འདས་ཀྱིས་རྗེས་སུ་མ་གནང་ངོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། ལྷམ་ཡུའུ་ཐུང་བཅང་བར་
D1.001.0276b01.01བྱའོ། །གང་གི་ཚེ་སྐྱེས་བུ་གཏི་མུག་འཕགས་སྐྱེས་པོས་སེར་སྐྱ་ན་གནས་པའི་ཤཱཀྱ་རྣམས་ཁ་བཏག་པ་ན། དེ་དག་ལས་ཁ་ཅིག་ནུབ་ཕྱོགས་སུ་དོང་བ་ནས། ཁ་ཅིག་བལ་ཡུལ་གྱི་བར་དུ་དོང་ངོ་། །མཉན་ཡོད་པའི་དོན་མཐུན་དག་ཟོང་ཐོགས་ཏེ་བལ་ཡུལ་དུ་ལྷགས་པ་དང་།
D1.001.0276b02.01དེ་དག་གིས་དེ་རྣམས་མཐོང་ནས་སྨྲས་པ། ཤེས་ལྡན་དག་ཁྱེད་ཅག་གང་ནས་ད་འདིར་ལྷགས། དེ་རྣམས་ཀྱིས་སྨྲས་པ། མཉན་ཡོད་ནས་སོ། །བདག་ཅག་གི་གཉེན་འཕགས་པ་ཀུན་དགའ་བོ་ཡོད་ན་ལན་འགའ་ཡང་འཕགས་པ་ཀུན་དགའ་བོ་འདིར་འོངས་ཏེ་བདག་
D1.001.0276b03.01ཅག་ལ་གཏམ་མ་དྲིས་སོ། །དེ་རྣམས་ཀྱིས་སྨྲས་པ། བདག་ཅག་གི་འཕགས་པ་ཀུན་དགའ་བོའི་དྲུང་དུ་སོང་ལ་སྦྲན་པར་བགྱིའོ། །དེ་རྣམས་ཀྱིས་ཟོང་རྣམས་བསྒྱུར་བའི་ཟོང་དག་ཁྱེར་ཏེ་མཉན་ཡོད་དུ་ལྷགས་ནས་དེ་རྣམས་ཀྱིས་འཕགས་པ་ཀུན་དགའ་བོ་ལ་སྨྲས་པ།
D1.001.0276b04.01འཕགས་པ་ཀུན་དགའ་བོ་ཁྱོད་ཀྱི་གཉེན་བལ་ཡུལ་ན་མཆིས་ཏེ་དེ་དག་ཁྱོད་མཐོང་བར་འཚལ་ལོ། །ཚེ་དང་ལྡན་པ་ཀུན་དགའ་བོ་ནི་གཉེན་ལ་གདུང་བ་ཡིན་པས་དེ་གཉེན་དག་ལ་བལྟ་བའི་ཕྱིར་བལ་ཡུལ་དུ་སོང་བ་ལས། དེ་ལྷགས་པས་ལག་པ་དང་རྐང་པ་སེར་ག་བྱུང་བ་
D1.001.0276b05.01དང་། དེ་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཀུན་དགའ་བོ་པད་མའི་འདབ་མ་རལ་བ་བཞིན་དུ་ཁྱོད་ཀྱི་ལག་པ་དང་རྐང་པ་ཅི་ཞིག་གིས་སེར་ག་བྱུང་བར་གྱུར། དེས་སྨྲས་པ། ལྷགས་པས་སོ། །ཁྱོད་ཀྱི་གཉེན་དག་ནི་ལྷམ་སྒྲོ་གུ་ཅན་ཅི་སྟེ་འཆང་། ཁྱོད་ནི་ཅིའི་
D1.001.0276b06.01ཕྱིར་མི་འཆང་། བཅོམ་ལྡན་འདས་ཀྱིས་རྗེས་སུ་མ་གནང་ངོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། ཡུལ་ཁ་བ་ཅན་རྣམས་སུ་ལྷམ་སྒྲོ་གུ་ཅན་བཅང་བར་བྱའོ། །
D1.001.0276b07.01