完整藏文原文 · 德格版页 当前仅加载第 1 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
རིང་ཅིའི་ཕྱིར་འོ་མ་མེད། དེས་སྨྲས་པ། འཕགས་པ་དྲུག་སྡེ་དག་གིས་ཞེས་བྱ་བ་ནས་དེ་སྨོད་པར་བྱེད། འཕྱ་བར་བྱེད། ཁ་ཟེར་བར་བྱེད་ཅེས་བྱ་བའི་བར་གོང་མ་བཞིན་ཏེ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་བའི་མཇུག་
D1.001.0272a01.01མ་ལས་བཟུང་སྟེ་རྐྱལ་པར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་བའི་མཇུག་མ་ལས་བཟུང་སྟེ་རྐྱལ་པར་མི་བྱའོ་ཞེས་གསུངས་པ་དང་། དགེ་སློང་ཆུ་རྒལ་བ་དག་ཅིག་གླང་པོ་ཆེའི་མཇུག་མ་ནས་བཟུང་སྟེ་འགྲོ་བར་འདོད་པ་ཕོངས་པར་གྱུར་ནས། བཅོམ་ལྡན་འདས་ཀྱིས་
D1.001.0272a02.01བཀའ་སྩལ་པ། མཇུག་མ་ཅན་ལྔའི་མཇུག་མ་ལས་བཟུང་སྟེ་འགྲོ་བར་བྱ་སྟེ། གླང་པོ་ཅང་ཤེས་པ་དང་། རྟ་ཅང་ཤེས་དང་། ཁྱུ་མཆོག་དང་། མ་ཧེ་དང་། གཡག་གིའོ། །འོན་ཀྱང་རྐྱལ་པས་རྐྱལ་བར་བྱའོ། །བཅོམ་ལྡན་འདས་ཀྱིས་རྐྱལ་པས་རྐྱལ་བར་བྱའོ་ཞེས་
D1.001.0272a03.01གསུངས་པ་དང་། དྲུག་སྡེ་དག་གིས་རྐྱལ་པ་བུད་མེད་དང་སྐྱེས་པ་ཉལ་པོ་བྱེད་པ་རི་མོར་བྲིས་ཤིང་པད་མ་ལྟར་བྱི་དོར་བྱས་པ་དག་བྱས་པ་དང་། དེ་དག་བྲམ་ཟེ་དང་ཁྱིམ་བདག་དག་གིས་མཐོང་ནས་སྨྲས་པ། འཕགས་པ་འདི་ཅི་ལགས། དེ་དག་གིས་སྨྲས་པ། བཅོམ་ལྡན་
D1.001.0272a04.01འདས་ཀྱིས་རྐྱལ་པ་རྗེས་སུ་གནང་ངོ་། །འཕགས་པ་དགེ་སྦྱོང་ཁྱེད་ཅག་ནི་འདོད་པ་ལྔའི་ཡོན་ཏན་གྱིས་གཡེན་སྤྱོ་འམ་ཅི་ཞེས་དེ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སྦྱོང་གིས་རྐྱལ་
D1.001.0272a05.01པ་བུད་མེད་དང་སྐྱེས་པ་ཉལ་པོ་བྱེད་པའི་རི་མོར་བྲིས་ཤིང་པད་མ་ལྟར་བྱི་དོར་བྱས་པ་དག་བཅང་བར་མི་བྱའོ། །འོན་ཀྱང་རྐྱལ་པ་གཉིས་བཅང་བར་བྱ་སྟེ། རྩིས་བསྐུས་པ་དང་། རྐྱལ་སྐྱའོ། །ཁྱིམ་བདག་མགོན་མེད་ཟས་སྦྱིན་གྱིས་འཁོར་གྱི་ཁྱམས་ཤིག་བརྩིགས་པ་དང་།
D1.001.0272a06.01ཆོས་མཉན་པར་དགེ་སློང་ཤིང་གི་མཆིལ་ལྷམ་གོན་པ་དག་ལྷགས་ནས། དེ་དག་གིས་ཤིང་གི་མཆིལ་ལྷམ་གྱིས་ས་གཞི་བསྟར་བ་བྲུད་ཅིང་རློག་པར་གྱུར་ཏོ། །ཁྱིམ་བདག་མགོན་མེད་ཟས་སྦྱིན་ནང་པར་སྔར་ལངས་ཏེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འོངས་པ་དེས་
D1.001.0272a07.01