完整藏文原文 · 德格版页 当前仅加载第 1 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེ་བའི་རིགས་དང་། རིན་པོ་ཆེས་སྤྲས་པའི་རྣ་ཆ་རྣ་བ་ལ་ཐོགས་བཞིན་དུ་བཙས་ཤིང་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་ཏེ། འདིས་ཡང་དག་པར་རྫོགས་པའི་སངས་རྒྱས་འོད་སྲུང་
D1.001.0268a01.01དང་ཤུགས་མཉམ་པ། སྟོབས་མཉམ་པ། བརྩོན་པ་མཉམ་པ། མི་མཉམ་པ་དང་མཉམ་པ་བརྙེས་པའི་སྟོན་པ་ང་མཉེས་པར་བྱས་ཀྱི་མ་མཉེས་པར་ནི་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་
D1.001.0268a02.01ཏུ་གནག་པ་ཡིན། གཅིག་ཏུ་དཀར་བ་རྣམས་ཀྱི་ནི་དཀར་བ་ཡིན། འདྲེན་མ་རྣམས་ཀྱི་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་ཁོ་ན་ལ་བརྩལ་བར་བྱ་སྟེ།
D1.001.0268a03.01དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །བཙུན་པ་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རིས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་མཐོང་བའི་ཆོས་འདི་ཉིད་ལ་ངན་སོང་དག་མཐོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ།
D1.001.0268a04.01འདིས་མ་ལ་ངག་གི་ལས་རྩུབ་མོ་སྨྲས་པ་དེའི་ལས་དེའི་རྣམ་པར་སྨིན་པས་མཐོང་བའི་ཆོས་ཉིད་ལ་ངན་སོང་དག་མཐོང་ངོ་།། །།སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་
D1.001.0268a05.01པ་ཉེ་དགའ་དགེ་འདུན་གྱི་གསར་བུ་ཡིན་པས་དེ་གྲལ་རིམས་ཀྱིས་ཁྲི་ལྡེག་པ་ཞིག་ཐོབ་པ་དང་། དེ་ཞིག་གིས་དོགས་པས་བླ་འོག་མ་བསྒྱུར་བར་ཉལ་ལོ། །དེས་བསམས་པ། བདག་ཉེ་དགའ་ཡིན་ན་ཁྲི་ལ་ཡང་ཆགས་སམ། གལ་ཏེ་མལ་
D1.001.0268a06.01ཆའམ་ཁྲི་མ་རྗེས་ན་ཉེ་དགའ་ཞེས་བྱ་བའི་མིང་ཡང་མི་འདོགས་སོ་སྙམ་ནས། དེ་ནང་པར་སྔར་ལངས་ཏེ་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་དྲུང་དུ་སོང་བ་དང་དེས་དེ་ལ་སྨྲས་པ། བཙུན་པ་ཉེ་དགའ་བྱོན་པ་ལེགས་སོ། །བྱོན་པ་ལེགས་སོ། །ཇི་ག་བཙུན་
D1.001.0268a07.01