完整藏文原文 · 德格版页 当前仅加载第 1 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་ན་བཤགས་ལ་དགག་དབྱེ་བྱའོ།། །།སྡོམ་ལ། མང་པོ་བསྒྲེ་དང་བཞག་པ་དང་། །བྱ་དང་རྣམ་པ་ལྔ་པ་དང་། །འདོང་བས་རྣམ་གནས་བྱ་བ་དང་། །ཡོངས་སུ་དག་ལ་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་
D1.001.0236a01.01ལ་གཉུག་མར་གནས་པའི་དགེ་སློང་ལྔའམ་ལྷག་པ་དག་འདུག་ཅིང་མཐུན་པར་གྱུར་ལ། དེ་དག་འདི་སྙམ་དུ་སེམས་ཏེ། དགེ་སློང་མ་འོངས་པ་དག་ཡོད་དེ། དེ་དག་མ་འོངས་ཏེ་མེད་ཀྱང་བདག་ཅག་གིས་གསོལ་བ་བྱས་ཏེ་དགག་དབྱེ་བྱར་རུང་ངོ་སྙམ་ནས། རྟོག་པས་དོན་དུ་
D1.001.0236a02.01གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ་དགག་དབྱེ་བྱེད་ན། དེའི་འོག་ཏུ་གཉུག་མར་གནས་པའི་དགེ་སློང་ཉུང་ཟད་ཅིག་འོངས་ན། དེ་དག་གིས་ཀྱང་གསོལ་བ་བྱས་ཏེ་དགག་དབྱེ་བྱའོ། །དགེ་སློང་སྔ་མ་རྟོག་པའི་ཉེར་བསྡོགས་ཅན་དག་ལ་ནི་འགལ་
D1.001.0236a03.01ཚབས་ཅན་དུ་འགྱུར་ཏེ། སྔར་གསོ་སྦྱོང་གི་གཞི་ལས་སྡོམ་གྱི་ཚིགས་སུ་བཅད་པ་ལས་ཇི་སྐད་གསུངས་པ་དེ་བཞིན་དུ་བརྗོད་པར་བྱའོ། །ཁྱད་པར་གཅིག་ཡོད་པ་ནི་དེར་གཉུག་མར་གནས་པའི་དགེ་སློང་བཞིའམ་ལྷག་པ་ཞིག་འདུག་ཅིང་མཐུན་པར་གྱུར་ལ་ཞེས་སྨོས་པ་
D1.001.0236a04.01འདིར་ནི་ལྔའམ་ལྷག་པར་བརྗོད་པར་བྱ་བ་ཡིན་ནོ།། །།སྡོམ་ལ། དབྱར་གནས་པར་ནི་དམ་བཅས་པའི། །འཐབ་ཀྲོལ་དགེ་སློང་ཤེས་ནས་ཀྱང་། །བཤེས་པའི་ཚིག་གིས་བསུ་བྱ་དང་། །ངེས་པའི་ཟླ་བ་བཞི་པོ་དང་། །ནད་པ་དང་ནི་དངོས་པོ་སྟེ། །ཡང་དག་བསྡོམས་
D1.001.0236a05.01པའི་ཚོགས་ཡིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་རྣམས་ཀྱིས་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་
D1.001.0236a06.01པར་བགྱིད་པ། རྩོད་པའི་གཞི་བགྱིད་པ་དག་མཆིའོ་ཞེས་ཐོས་ཏེ། དེ་དག་ངོ་ཚ་མ་མཆིས་པས་ཐོ་བཙམ་པ་ཉིད་དུ་བདག་ཅག་ལ་གླེང་བར་བགྱིད། དྲན་པར་བགྱིད་དོ་སྙམ་ན། དེ་རྣམས་ཀྱིས་དེ་དག་ལ་ཇི་ལྟར་བསྒྲུབ་པར་བགྱི། ཉེ་བ་འཁོར་དགེ་སློང་དེ་རྣམས་ཀྱིས་གསོ་སྦྱོང་
D1.001.0236a07.01