完整藏文原文 · 德格版页 当前仅加载第 1 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོང་ཤིག་ཅེས་གསུངས་ན་འོན་ཀྱང་བདག་གིས་དེ་མ་སྤངས་སོ། །དེས་བདག་ལ་སྨྲས་པ་བཞིན་{བཟངས་,བཟང་}ཁྱོད་ཉིན་པར་བྱི་བོ་ལ་འགྲོའམ་ནུབ་མོ།
D1.001.0259a01.01བདག་གིས་དེ་ལ་སྨྲས་པ། འཕགས་པ་ནུབ་མོའོ། །དེས་བཞིན་{བཟངས་,བཟང་}ཅིའི་ཕྱིར་ཉིན་པར་ཚུལ་ཁྲིམས་ཡང་དག་པར་མནོས་ཏེ་མི་གཟུང་དེས་ན་ལས་དེ་བསྲབས་པ་དང་། ཡོངས་སུ་ཟད་པ་དང་། ཡོངས་སུ་གཏུགས་པར་འགྱུར་རོ། །ཞེས་གསུངས་
D1.001.0259a02.01ནས། དེ་ལས་བདག་གིས་ཉིན་པར་ཚུལ་ཁྲིམས་ཡང་དག་པར་མནོས་ཏེ་བཟུང་ངོ་། །གང་ཡང་ཉིན་པར་ཚུལ་ཁྲིམས་ཡང་དག་པར་མནོས་ཏེ་བཟུང་བ་དེའི་ལས་ཀྱི་རྣམ་པར་སྨིན་པས་ཉིན་པར་བདེ་བ་འདི་ལྟ་བུ་ཉམས་སུ་མྱོང་ངོ་། །གང་ཡང་མཚན་མོ་
D1.001.0259a03.01བྱི་བོ་བྱེད་དུ་སོང་བ་དེའི་ལས་ཀྱི་རྣམ་པར་སྨིན་པས་མཚན་མོ་སྡུག་བསྔལ་འདི་ལྟ་བུ་ཉམས་སུ་མྱོང་བར་གྱུར་ཏོ། །ཚིགས་སུ་བཅད་དེ་ཡང་སྨྲས་པ། མཚན་མོ་བྱི་བོ་བྱེད་ལ་ཆགས། །ཉིན་པར་ཚུལ་ཁྲིམས་ཡོན་ཏན་ལྡན། །ལས་དེའི་འབྲས་བུ་བཟང་
D1.001.0259a04.01པོ་དང་། །སྡིག་ཏོ་འདི་ནི་མྱོང་བ་ཡིན། །གྲོ་བཞིན་སྐྱེས་ཁྱོད་གནས་པའི་གྲོང་དུ་འགྲོ་འམ། དེ་ན་བདག་གི་བུ་བྲམ་ཟེ་བྱི་བོ་བྱེད་པ་ལ་ཁྱོད་ཀྱི་ཕ་ངས་མཐོང་སྟེ། དེ་ན་རེ་ལས་འདིའི་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས། དམ་པ་མ་
D1.001.0259a05.01ཡིན་པའི་ཆོས་སྡིག་པ་སྤོང་ཤིག་ཅེས་ཟེར་རོ། །ཞེས་གསུང་ཤིག །དེས་སྨྲས་པ། ཀྱེ་ནང་རྗེ་ཁྱོད་ན་རེ་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའོ་ཞེས་སྨྲས་པས་ཡིད་ཆེས་པར་མི་འགྱུར་རོ། །གྲོ་བཞིན་སྐྱེས་གལ་ཏེ་ཡིད་མི་ཆེས་ན་དེ་
D1.001.0259a06.01ལ་ཁྱོད་ཀྱི་ཕ་ན་རེ་མེ་ཐབ་ཀྱི་འོག་ན་གསེར་ཕྱེ་བུམ་པ་གང་བཞག་གིས་དེ་ཕྱུང་སྟེ། བདག་ཉིད་ལ་ཡུན་དུ་བདེ་བས་ཚིམ་པར་བྱ་བ་དང་། དུས་དུས་སུ་འཕགས་པ་ཀཱ་ཏྱཱ་ཡ་ན་ཆེན་པོ་ལ་བསོད་སྙོམས་ཕུལ་ལ་བདག་ཅག་གི་མིང་ནས་ཕྱུང་སྟེ་ཡོན་བསྔོ་བ་གྱིས་
D1.001.0259a07.01