完整藏文原文 · 德格版页 当前仅加载第 1 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དུ་ཡང་དེ་བཞིན་དུ་བྱའོ། །གལ་ཏེ་དགེ་འདུན་གྱི་གནས་བརྟན་གྱིས་མ་བླངས་ན་གནས་བརྟན་གཉིས་པ་ལ་སྦྱིན་པར་བྱའོ། །གལ་ཏེ་གནས་བརྟན་གཉིས་པས་མ་བླངས་ན་གནས་བརྟན་གསུམ་པ་ལ་སྦྱིན་པར་བྱའོ། །གལ་ཏེ་གནས་བརྟན་གསུམ་པས་བླངས་པ་
D1.001.0239b01.01ལ་དགེ་འདུན་གྱི་གནས་བརྟན་སློང་ན་ཚིག་དང་པོ་ལ་སྦྱིན་པར་མི་བྱའོ། །ཚིག་གཉིས་པ་ལ་ཡང་སྦྱིན་པར་མི་བྱའོ། །ཚིག་གསུམ་པ་ལ་སྦྱིན་པར་བྱ་སྟེ། དགེ་འདུན་གྱི་གནས་བརྟན་གྱིས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །དགེ་འདུན་
D1.001.0239b02.01གསར་བུའི་བར་དུ་དེ་བཞིན་དུ་བླངས་པ་ལ། གལ་ཏེ་དགེ་འདུན་གསར་བུ་གསུམ་པ་སློང་ན་ཚིག་དང་པོ་ལ་སྦྱིན་པར་མི་བྱའོ། །ཚིག་གཉིས་པ་ལ་ཡང་སྦྱིན་པར་མི་བྱའོ། །ཚིག་གསུམ་པ་ལ་སྦྱིན་པར་བྱ་སྟེ། དགེ་འདུན་གསར་བུ་གསུམ་པས་ཀྱང་འདུལ་བ་དང་འགལ་བའི་
D1.001.0239b03.01ཉེས་བྱས་ཀྱི་ལྟུང་བ་བཤགས་པར་བྱའོ། །དགེ་སློང་རྣམས་ཀྱིས་གནས་ཁང་ཐམས་ཅད་བགོས་པ་དང་གློ་བུར་དུ་ལྷགས་པའི་དགེ་སློང་རྣམས་ཕོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གློ་བུར་དུ་ལྷགས་པའི་དགེ་སློང་རྣམས་ཀྱི་ཕྱིར་མ་བགོས་པའི་
D1.001.0239b04.01གནས་གཅིག་གཞག་པར་བྱའོ། །དགེ་སློང་རྣམས་ཀྱིས་སྒོ་ཁང་ཡང་བགོས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྒོ་ཁང་བགོ་བར་མི་བྱའོ། །ཁྱམས་རྣམས་བགོས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱམས་བགོ་བར་མི་བྱའོ། །
D1.001.0239b05.01ཁྱམས་སྟོང་པ་རྣམས་སུ་ཁྭ་དང་། བྱེའུ་དང་། ཕུག་རོན་དག་གིས་ཚང་བཅས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྐྲོད་པའི་དགེ་སློང་དག་བསྐོ་བར་བྱ་སྟེ། དེས་སོ་སོར་བལྟ་བར་བྱའོ། །གལ་ཏེ་སྒོ་ང་དག་མ་ལྷགས་པར་གྱུར་ན་བསྐྲད་པར་བྱའོ། །དེ་སྟེ་
D1.001.0239b06.01ལྷགས་ན་ནི་གཞག་པར་བྱའོ། །སྲིན་བུ་ཏྲཻ་བུ་ཀ་དང་། ཏྲཻ་ལ་ཏའི་ཚང་བཅས་ནས། བཅོམ་ལྡན་འདས་ཀྱིས་བཀའ་སྩལ་པ། སོ་སོར་བརྟག་པར་བྱ་སྟེ། གལ་ཏེ་སྒོ་ང་མ་ལྷགས་པར་གྱུར་ན་བསྐྲད་པར་བྱའོ། །གལ་ཏེ་ལྷགས་པར་གྱུར་ན་སྐྱེད་པས་བཅིངས་ན་འཕེལ་
D1.001.0239b07.01