完整藏文原文 · 德格版页 当前仅加载第 1 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
ཙན་དན་ས་མཆོག་གི་ཚལ་སྟ་རེ་ལྔ་བརྒྱ་ཙམ་གྱིས་འགུམས་ན་ཁྱོད་ཀྱི་ཕྲིན་ལས་སམ་བགྱི་བ་གང་ལགས་བ་དེ་མཛོད་ཅིག །དེ་ནས་གནོད་སྦྱིན་དབང་ཕྱུག་ཆེན་པོ་གནོད་སྦྱིན་རྣམས་ཀྱི་གནོད་སྦྱིན་གྱི་འདུན་མ་བྱས་ནས་མི་བཟོད་པ་སྐྱེས་ཏེ། རླུང་ནག་པོ་ཆེན་པོ་འཇིགས་སུ་རུང་བ་
D1.001.0308a01.01བསླངས་ནས་ཙན་དན་ས་མཆོག་གི་ཚལ་གང་ན་བ་དེར་ཆས་སོ། །ས་མཁན་གྱིས་སྨྲས་པ། ཤེས་ལྡན་འཛམ་བུའི་གླིང་གི་ཚོང་པ་དག་ཉོན་ཅིག །རླུང་ནག་པོ་ཆེན་པོའི་འཇིགས་པ་ཞིག་ཡོད་དོ་ཞེས་གྲག་པ་གང་ཡིན་པ་དེ་ནི་འདི་ཡིན་གྱིས་ངོ་ལོན་སོམ་ཤིག །དེ་ནས་ཚོང་པའི་ཚོགས་དེ་རྣམས་
D1.001.0308a02.01འཇིགས་སྐྲག་ཕོངས་ཏེ་བ་སྤུའི་ཁུང་བུ་ཐམས་ཅད་ནས་སྤུ་ཟིང་ཞེས་བྱེད་ནས། ལྷ་རྣམས་ལ་གསོལ་བ་བྱེད་པར་རྩོམ་སྟེ། ཞི་བ་དང་ནི་ཆུ་ལྷ་ལུས་ངན་ནོར་ལྷ་སོགས། །ལྷ་མི་ལྟོ་འཕྱེ་གནོད་སྦྱིན་ལྷ་མི་དབང་པོ་རྣམས། །བདག་ཅག་ཤིན་ཏུ་ཉམ་ཐག་འཇིགས་པར་གྱུར་ལགས་ཀྱིས། །བསྙེངས་
D1.001.0308a03.01བྲལ་དེ་རིང་བདག་ཅག་རྣམས་ཀྱི་མགོན་མཛོད་ཅིག །མི་རྣམས་ཁ་ཅིག་བདེ་སོགས་ཁྱོད་ལ་འདུད། །གཞན་དག་ཚངས་དང་ཁྱབ་འཇུག་ལྷ་ཆེན་དང་། །སར་རྟེན་ཤིང་དང་ཚལ་ལ་བརྟེན་པ་ལ། །ཤ་ཟའི་རླུང་གིས་ཟིན་པས་སྐྱབས་ཚོལ་འདུད། །ཤིང་གི་རྣ་ཆ་ཅན་སེམས་ལས་ཆུང་ངུར་འདུག་པ་དང་།
D1.001.0308a04.01ཚོང་པ་རྣམས་ཀྱིས་སྨྲས་པ། དེད་དཔོན་བདག་ཅག་ནི་སྡུག་བསྔལ་མི་བཟད་པ་ཉམ་ང་བར་གྱུར་ན། ཁྱོད་ཅིའི་ཕྱིར་སེམས་ལས་ཆུང་ངུར་འདུག །དེས་སྨྲས་པ། ཤེས་ལྡན་དག་ཁོ་བོ་ལ་ནུ་བོས་བསྒོ་བ། ཕུ་བོ་རྒྱ་མཚོ་ཆེན་པོར་འཇུག་པ་ནི་མནོག་ཆུང་ལ་ཉེས་དམིགས་མང་སྟེ།
D1.001.0308a05.01སྲེད་པས་ལྡོངས་པ་ཕལ་ཆེར་འཇུག་ཀྱང་སླར་འཁོར་བ་ཉུང་བས་ཁྱོད་ཀྱིས་རྣམ་པ་གང་གིས་ཀྱང་རྒྱ་མཚོ་ཆེན་པོར་འཇུག་པར་མི་བྱའོ་ཞེས་བསྒོ་བ་ལས། ཁོ་བོས་དེའི་ཚིག་མ་མཉན་ཏེ་རྒྱ་མཚོ་ཆེན་པོར་ཞུགས་པས་ད་ཅི་བྱར་ཡང་མེད་དོ། །ཁྱོད་ཀྱི་ནུ་བོ་གང་ཡིན། གང་པོ་ཡིན་
D1.001.0308a06.01ནོ། །ཚོང་པའི་ཚོགས་རྣམས་ཀྱིས་སྨྲས་པ། ཤེས་ལྡན་དག་འཕགས་པ་གང་པོ་དེ་ནི་བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་གྱིས། དེ་ཉིད་ལ་བདག་ཅག་སྐྱབས་སུ་འགྲོ་བར་བྱའོ་ཞེས་དེ་ཐམས་ཅད་ཀྱིས་ཚིག་མཐུན་པར་འདི་སྐད་ཅེས་འཕགས་པ་གང་པོ་དེ་ལ་ཕྱག་འཚལ་ལོ། །
D1.001.0308a07.01